އައު ޓަރމިނަލް ބޭނުންކުރާ ފުރަތަމަ ބޭރު އެއަރލައިން އަކަށް އެއަރ އަރަބިއާ
Read Time:2 Minute, 16 Second
ވެލާނާ އިންޓަނޭޝަނަލް އެއަރޕޯޓުގެ އައު ޓަރމިނަލް ބޭރުގެ އެއަރލައިން ތަކުން ބޭނުންކުރަން ފެށުމުގެ މަސައްކަތުގެ ތެރެއިން، އެ ޓަރމިނަލް ބޭނުންކުރި ފުރަތަމަ އެއަރލައިން އަކީ ޔުނައިޓެޑް އަރަބް އެމިރެޓްސް (ޔޫއޭއީ) ގެ އެއަރ އަރަބިއާއެވެ.
އެއަރ އަރަބިއާއިން މި ޓަރމިނަލް ބޭނުންކުރަން ފެށި ފުރަތަމަ ބޭރު އެއަރލައިނަށް ވީއިރު، މި އޮޕަރޭޝަންތައް ފަށާފައިވަނީ ހާއްސަ ރަސްމިއްޔާތަކުންނެވެ. އެގޮތުން މި އޮޕަރޭޝަން ފެށުނީ ޓަރމިނަލް 1 ގެ ޑިޕާޗަރ ސަރަހައްދުގައި ރިބަން ކެނޑުމަށް ފަހުއެވެ.
އެއަރ އަރަބިއާ އިން މިވަގުތު ރާއްޖެއަށް ކުރަނީ ދުވާލަކު އެއް ދަތުރެވެ. އަދި އަންނަ އޮކްޓޯބަރ މަހުގެ 27 އިން ފެށިގެން އެ އެއަރލައިނުން ދުވާލަކު ޝެޑިއުލް ދެ ދަތުރު ކުރަން ވަނީ ހަމަޖެހިފައެވެ.
އެއަރ އަރަބިއާއިން އައު ޓަރމިނަލް ބޭނުން ކުރަން ފެށުނުއިރު، ބޭރުގެ އިތުރު އެއަރލައިންތައް މި ޓަރމިނަލަށް ބަދަލުކުރުމުގެ މަސައްކަތްތައް ދަނީ ކުރަމުންނެވެ. އެގޮތުން އައު ޓަރމިނަލް ބޭނުން ކުރުމަށް މިހާރު މަޝްވަރާ ކުރަމުންދާ އެއަރލައިންތަކަކީ، ޗޮންޖިން އެއާލައިންސް، ބިއޯންޑް، ޒިއަމެން އެއާ، އޮމާން އެއާ، ފިޓްސް އޭވިއޭޝަން، ޔޫއެސް ބަންގްލާ އެއާލައިންސް، ބެންކޮކް އެއާވޭސް އަދި ބެޓިކް އެއާވޭސް އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %