ބ. އަތޮޅަށް ކުރެއްވި ދަތުރުފުޅަށް ފަހު ރައީސް މާލެ ވަޑައިގެންފި
Read Time:2 Minute, 29 Second
ބ. އަތޮޅުގެ މީހުން ދިރިއުޅޭ ހުރިހާ ރަށަކަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑރ. މުހައްމަދު މުއިއްޒު މާލެ ވަޑައިގަންނަވައިފިއެވެ.
ބ. އަތޮޅަށް ކުރެއްވި ދަތުރުފުޅުގައި ރައީސް ވަނީ އެ އަތޮޅު ކަމަދޫ، ކުޑަރިކިލު، ކެންދޫ، އޭދަފުށި، ތުޅާދޫ، ގޮއިދޫ، ފެހެންދޫ، ފުޅަދޫ، ހިތާދޫ، ކިހާދޫ، ދޮންފަން، ދަރަވަންދޫ އަދި މާޅޮހަށް ޒިޔާރަތްކުރެއްވާފައެވެ. ރައީސް ވަނީ މި ރަށްރަށުގެ ރައްޔިތުންނާއި ބައްދަލުކުރައްވާ، ކަންބޮޑުވުންތައް އަޑުއައްސަވާ، މި ރަށްރަށުގެ ތަރައްގީގެ މަޝްރޫއުތައް ފައްޓަވާދެއްވާފައެވެ.
އެގޮތުން މި ދަތުރުފުޅުގައި ރައީސްވަނީ މީހުން ދިރިއުޅޭ ހުރިހާ ރަށެއްގައި ބޭންކް އޮފް މޯލްޑިވްސްގެ އޭ.ޓީ.އެމް ހިދުމަތް ތައާރަފުކުރައްވާފައެވެ. އަދި އޭދަފުށީގައި އިމިގްރޭޝަންގެ ހިދުމަތްތައް ފައްޓަވައި، މާޅޮސް އާއި ފެހެންދޫ އާއި ތުޅާދޫ އަދި ގޮއިދޫގައި ފުލުހުންގެ މަރުކަޒުތައް އިމާރާތްކުރުމުގެ މަސައްކަތްވެސް ވަނީ ފައްޓަވާފައެވެ. މީގެ އިތުރުން ވެސް އެއަތޮޅުގެ އެކި ރަށްރަށުގައި ރައީސް ވަނީ ގިނަ މަޝްރޫއުތަކެއް ރަސްމީގޮތުން ފައްޓަވާދެއްވާފައެވެ.
ރައީސްގެ މިދަތުރުފުޅުގައި ސަރުކާރުގެ ބައެއް ވަޒީރުންނާއި، ކުންފުނިތަކުގެ އިސްވެރިންގެ މައްޗަށް އެކުލެވިގެންވާ ވަފުދެއް ރައީސްގެ އަރިހުގައި ބައިވެރިވެވަޑައިގެންނެވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %