އިނގިރޭސިވިލާތުގެ ބްރައިޓަން އަކީ ގޭމިންގެ ”ސިލިކަން ވެލީ“ އަށް ވެދާނެތަ؟
Read Time:2 Minute, 14 Second
އިނގިރޭސިވިލާތުގެ ސިޓީއެއް ކަމަށްވާ ބްރައިޓަން އަކީ ގޭމިންގ އިންޑަސްޓްރީއަށް މުހިންމު ސަރަހައްދެކެވެ. އެގޮތުން މި ސަރަހައްދުގައި ގިނަ ގޭމް އުފައްދާ ސްޓޫޑިއޯތަކެއް ހުރުމާއެކު މިތަން ވެގެންދަނީ ގޭމް އުފެއްދުމުގެ ހޮޓްސްޕޮޓަކެށެވެ.
މި ފަހުން ނެރުނު މާފިއާގެ އެންމެ ފަހުގެ ގޭމާއެކު މި ސަރަހައްދުގައި ހުންނަ ”ހޭންގަރ 13“ ސްޓޫޑިއޯއަށް ވަނީ ގިނަ ތަރުހީބުތަކެއް ލިބިފައެވެ. މި ގޭމްގެ ކާމިޔާބާއެކު ސްޓޫޑިއޯގެ ހެޑް ނިކް ބެއިންސް ބުނީ، ޔޫކޭގެ ބްރައިޓަން އަކީ ގޭމިންގެ “ސިލިކަން ވެލީ” އާ އެއް ފަދަ ވީޑިއޯ ގޭމް އިންޑަސްޓްރީގެ ބޮޑު ހަބަކަށް ވުމުގެ ގާބިލްކަން ހުރި ތަނެއް ކަމަށެވެ.
މާފިއާގެ ގޭމް ސީރީޒް އަކީ 2002 ވަނަ އަހަރުން ފެށިގެން ދުނިޔޭގެ އެކި ކަންކޮޅުތަކުގައި 34 މިލިއަނަށް ވުރެ ގިނަ ކޮޕީ ވިއްކާފައިވާ ގޭމްތަކެކެވެ. އެންމެ ފަހުން ނެރުނު ގޭމާއެކު މި އަދަދު ދަނީ މަތިވަމުންނެވެ.
ބްރައިޓަންގައި މިދިޔަ ޖުލައި މަހު ބޭއްވި އިވެންޓެއްގައި ވެސް 5000 އަށް ވުރެގިނަ މީހުން ބައިވެރިވެފައިވެއެވެ. ކުރިޔަށް އޮތް ދުވަސްތަކުގައި ބްރައިޓަންގެ ސްޓޫޑިިއޯތައް އިތުރަށް ކުރިއަރާ، މި ސިޓީއަކީ ގޭމިންގެ އެންމެ ކުރީގައި އޮން ސިޓީއަށް ވެގެންދާނެ ކަމަށް ބެލެވެއެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %