ޒުވާނުން ވިޔަފާރިއަށް އަހުލުވެރިކުރުވުމަށް ބިޒްނަސް ކޭންޕުތަކެއް ކުރިޔަށްގެންގޮސްފި
Read Time:2 Minute, 3 Second
ޒުވާނުންގެ ދުވަހާއި ގުޅުވައިގެން ބިޒްނަސް ސެންޓަރ ކޯޕަރޭޝަން (ބީސީސީ) އިން ޒުވާނުން ވިޔަފާރިއަށް އަހުލުވެރިކުރުވުމަށް ބިޒްނަސް ކޭންޕުތަކެއް ބާއްވައިފިއެވެ.
މި ބިޒްނަސް ކޭމްޕްގެ ހަރަކާތްތައް ވަނީ ރާއްޖޭގެ 12 ސަރަހައްދެއްގައި ކުރިޔަށް ގެންގޮސްފައެވެ. ބީސީސީ އިން ބުނީ މިއީ ރާއްޖޭގައި ކްރިއޭޓިވް އިކޮނޮމީއެއް ގާއިމްކުރުމަށް ސަރުކާރުން ކުރަމުންދާ މަސައްކަތުގެ ތެރެއިން ޒުވާނުން ވިޔަފާރިއަށް ޝައުގުވެރިކުރުވުމަށްޓަކައި ކުރިއަށްގެންދިޔަ ހަރަކާތެއްކަމަށެވެ.
ބީސީސީގެ މި ކޭމްޕްތައް ކުރިޔަށް ގެންގޮސްފައިވަނީ 16 އަހަރާއި 25 އަހަރާއި ދެމެދުގެ ޒުވާނުންނަށް ހާއްސަކޮށްގެންނެވެ. މި އިވެންޓްގެ މައިގަނޑު އެއް މަގްސަދަކީ ޒުވާނުން ޝައުގުވެރިވާ ކަންތައްތަކެއްގެ ތެރެއިން ޒުވާނުން ވިޔަފާރީގެ ތެރެއަށް ނެރުން ކަމަށް ބީސީސީން ބުނެފައިވެއެވެ.
ބީސީސީއިން ބުނީ މިފަހަރުގެ ހަރަކާތް ކުރިއަށްގެންދިޔައީ ގޮނޑުދޮށް ސަރަހައްދުގައި ކަމަށެވެ. އަދި މީގެ ބޭނުމަކީ ދިވެހިންނަކީ މުއްސަނދި ތިމާވެއްޓެއް އޮތް ގައުމެއްކަން ޒުވާނުންނަށް އަންގައިދިނުން ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %