ފުވައްމުލަކު ސިޓީގައި ހަދާ މަސް ޕްރޮސެސިން ފެސިލިޓީގެ މަސައްކަތް ފަށައިފި
Read Time:2 Minute, 13 Second
ފުވައްމުލަކު ސިޓީގައި ހަދާ މަސް ޕްރޮސެސިން ފެސިލިޓީގެ މަސައްކަތްތައް ފެށިފައިވާ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮންޕެނީ ލިމިޑެޓް (މިފްކޯއި) އިން ބުނެފިއެވެ.
މިފްކޯއިން ބުނީ އެ ފެސިލިޓީ ތަރައްގީ ކުރުމުގެ މަސައްކަތް މިހާރު ކުރަމުންދާ ކަމަށާއި އެކުންފުނީގެ އަމާޒަކީ މިއަހަރު ނިމުމުގެ ކުރިން ފުވައްމުލަކު ސިޓީގެ މަސް ޕްރޮސެސިން ފެސިލިޓީގެ ހިދުމަތް ފެށުންކަމަށެވެ.
މި ފެސިލިޓީގެ ހިދުމަތް ފެށުމާއެކު ފުވައްމުލަކު ސިޓީން މަސް ގަތުމުގެ މަސައްކަތް ފެށިގެންދާނެކަމަށް މިފްކޯއިން ބުންޏެވެ. އަދި ރައްކާތެރިކަމާއިއެކު ބަންދުކުރެވިފައިވާ މަހުގެ އުފެއްދުންތައް ފުވައްމުލަކު ސިޓީގެ ރައްޔިތުންނަށް އަހަރު ނިމުމުގެ ކުރިން ފޯރުކޮށްދެވިގެންދާނެކަމަށް މިފްކޯއިން ބުނެފަިއވެއެވެ.
މި ފެސިލިޓީއަކީ ރާއްޖޭގެ މަސްވެރިކަމުގެ ސިނާއަތް ކުރިއެރުވުމަށް ސަރުކާރުން ކުރަމުން އަންނަ މަސައްކަތުގެ ތެރެއިން ފަށާފައިވާ ޕްރޮޖެކްޓް އެކެވެ. މިފްކޯއިން އަންނަނީ ރާއްޖޭގެ މަސްވެރިކަމުގެ ސިނާއަތާއި، މަސްވެރިން ކުރަމުންދާ މަސައްކަތްތައް ފައިދާހުރި ދެމެހެއްޓެނިވި މަސައްކަތްތަކަކަށް ހެދުމަށް ގިނަ މަސްކަތްތަކެއް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %