ނުކުޅޭތާ ދެއަހަރާއި ގާތްވެފައި ވަނިކޮށް ފުޓުބޯޅަ ސީޒަން އަންނަ ސެޕްޓެމްބަރު މަހު ފަށަނީ
Read Time:1 Minute, 46 Second
ދިވެހި ފުޓުބޯޅަ ސީޒަނެއް ނުކުޅޭތާ ގާތްގަނޑަކަށް ދެއަހަރު ވެފައިވަނިކޮށް އަންނަ ސެޕްޓެމްބަރު މަހު ފަށާ ފުޓުބޯޅަ ސީޒަނަށް ޓީމްތަކުން ފަރިތަކުރުން ފަށައިފިއެވެ.
މިއަހަރު ފެށޭ ފުޓުބޯޅަ ސީޒަން ފެށޭނީ ސެޕްޓެމްބަރު މަހުގެ 15 ގައި ކުޅޭ ޗެރިޓީ ޝީލްޑް މެޗަށް ފަހުއެވެ. އެމެޗަށް ފަހު 10 ޓީމާއެކު ދިވެހި ޕްރިމިއާލީގު ފަށާނީ ސެޕްޓެމްބަރު 18 ގައެވެ.
މިހާރު ޓީމުތަކުން އަންނަނީ ޕްރީސީޒަން ޕްރެކްޓިސްތައް ކުޅެމުންނެވެ. އެގޮތުން އޮޑި ސްޕޯޓްސް ކްލަބް، ކްލަބް ގްރީންސް ސްޓްރީޓްސް، ބުރު ސްޕޯޓްސް ކްލަބް، އަދި ކްލަބް އީގަލްސްއިން ވަނީ މި ހަފްތާގައި ޕްރީ ސީޒަން ފަށާފައެވެ.
މިއަހަރުގެ ޕްރިމިއަރ ލީގުގެ އިތުރުން އޮކްޓޫބަރު 01 ގައި ރާއްޖޭގެ އެކި ސަރަހައްދުތަކުގައި ބާއްވާ ރީޖަނަލް ލީގު ފެށުމަށް އެފްއޭއެމުގެ ކަލަންޑަރުގައި ވަނީ ހިމަނާފައެވެ. މިއީ ރާއްޖޭގެ ހަތަރު ސަރަހައްދަކަށް ބަހާލައިގެން ކުރިޔަށް ގެންދަން ހަމަޖެހިފައިވާ ލީގެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %