ބިޓްކޮއިން، އިތީރިއަމް އަދި ރިޕްލްގެ އަގުތައް ދަށަށް
Read Time:3 Minute, 7 Second
ބިޓްކޮއިން (ބީޓީސީ)، އިތީރިއަމް (އީޓީއެޗް)، އަދި ރިޕްލް (އެކްސްއާރުޕީ) ފަދަ ކްރިޕްޓޯތައް މުހިއްމު ސަޕޯޓް ލެވެލްތަކުގެ ދަށަށް ވެއްޓި، މި ހަފްތާގައި ކްރިޕްޓޯ މާކެޓަށް ޕްރެޝަރު ބޮޑުވެއްޖެއެވެ.
އެންމެ ވަރުގަދަ ކްރިޕްޓޯ ކަރަންސީ، ބިޓްކޮއިންގެއަގު ވަނީ މިހަފްތާ ތެރޭ ދަށަށް ގޮސް މިހާރު ގާތްގަނޑަކަށް 113،400 ޑޮލަރަށް ވެއްޓިފައެވެ. އެގޮތުން މުހިންމު ސަޕޯޓް ލެވެލްތަކުގެ ތިރިޔަށް ވެއްޓި، ޓްރެންޑްލައިނާއި 50 ދުވަހުގެ އެވްރެޖް ހިމެނޭ ގޮތަށް ވެސް ދައްކަނީ ތިރިޔަށް އަގުދާ ތަނެވެ. އިތުރަށް އަގު ދަށަށް ގޮސްފިނަމަ ދެން ލިބޭ ސަޕޯޓަކީ 111،980 ޑޮލަރާ ހިސާބުންނެވެ.
ބާރުމިނެއްގައި އަގު އަރަމުން އައި އިތީރިއަމް ވެސް ވަނީ ކުއްލި ގޮތަކަށް އަގު ވެއްޓިފައެވެ. މިދިޔަ ހަފްތާގައި އިތީރިއަމްގެ އަގު 4،788 ޑޮލަރަށް އަރާފައިވީ ނަމަވެސް މިހާރު ވަނީ ގާތްގަނޑަކަށް 4،132 ޑޮލަރަށް ވެއްޓިފަ އެވެ. އަގު މިވަގުތު ރެސިސްޓެންސް ޒޯންގެ ކައިރީގައި 4،232 ޑޮލަރުގައި ހުރިއިރު، މިއަށް ވުރެ މައްޗަށް އަގު ނުގޮސްފިނަމަ އިތުރަށް ވެއްޓިގެން 3،946 ޑޮލަރަށް ހަމައަށް ގޮސްދާނެ އެވެ. ޓެކްނިކަލް ޗާޓްތަކުން ދައްކާ ގޮތުގައި ބުލިޝް މޮމެންޓަމް ދަނީ ބަލިކަށިވަމުންނެވެ.
ރިޕްލް ވަނީ 50 ދުވަހުގެ އެވްރެޖް 2.93 ޑޮލަރަށް ވުރެ ދަށަށް ވެއްޓި، އިތުރަށް ބަލިކަށި ވެފައެވެ. ދެން ޗާޓު ބުލިޝް ނުވެއްޖެނަމަ ރިޕްލްގެ އަގު އިތުރަށް ދަށަށް ގޮސްދާނެ އެވެ. ވިޔަފާރިވެރިން ދަނީ ދެން އޮތް ސަޕޯޓް ލެވެލްތައް ވަރަށް ގާތުން ބަލަމުންނެވެ.
އަގުތައް ވެއްޓޭ ކަމަށް ބެލެވެނީ މިދޭތެރެއިން އަގު މައްޗަށް އެރުމުގެ ސަބަބުން އިންވެސްޓަރުން ވިއްކަން ފެށުމުންނެވެ. ދެން އަނެއްކާވެސް އަގުތައް ހަމަޖެހޭނީ އައު ސަޕޯޓް ޒޯންތައް އުފެދުމުންނެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %