ގައުމިއްޔަތަށް ހިދުމަތް ކުރުމުގެ ހާއްސަ ޝަރަފު އުތީމު ރައްޔިތުންނަށް
Read Time:2 Minute, 2 Second
ދިވެހި ގައުމިއްޔަތަށް ހިދުމަތް ކުރުމުގެ ހާއްސަ ޝަރަފު، ހއ. އުތީމު ރައްޔިތުންނަށް އެރުވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމަވައިފި އެވެ.
މި ހާއްސަ ޝަރަފު އުތީމު ރައްޔިތުންނަށް އެރުވުމަށް ރައީސް ނިންމެވީ، ގައުމީ މިނިވަންކަމުގެ ރަމްޒެއް ކަމަށްވާ އުތީމު ގަނޑުވަރު ބެލެހެއްޓުމުގައި އުތީމު ރައްޔިތުން އަދާކޮށްފައިވާ ދައުރާއި އެކަމަށް ދީފައިވާ އަހައްމިއްޔަތުގެ އަގު ވަޒަންކުރެއްވުމުގެ ގޮތުންނެވެ. އުތީމުގެ ރައްޔިތުންގެ ބެލެހެއްޓުންތެރިކަމާއެކުގައި އުތީމު ގަނޑުވަރަށް ގާތްގަނޑަކަށް 500 އަހަރުވެފައިވާކަން ރައީސް ވަނީ ފާހަގަކުރައްވާފައެވެ.
މި ޝަރަފު އެރުވުން އޮންނާނީ މިއަދު ހެނދުނު އުތީމުގައި ބާއްވާ ރަސްމީ ޖަލްސާ ގައެވެ. މި ޖަލްސާ އޮންނާނީ މިއަދު ހެނދުނު 10:00 ޖަހާއިރު އެވެ. މި ހަފްލާގައި ގައުމީ އިނާމުތަކުގެ ތެރެއިން ޝަރަފުވެރިކަމުގެ ގައުމީ އިނާމާއި ހިތްވަރު ދިނުމުގެ ގައުމީ އިނާމު ދިނުން ވެސް އޮންނާނެއެވެ.
މީގެ އިތުރުން ގައުމީ ދުވަހުގެ ހަރަކާތްތަކުގެ ތެރެއިން އުތީމުގައި މިރޭ ހަވާއަރުވަން ވެސް ވަނީ ނިންމައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %