އދ.ގެ ހިއުމަން ރައިޓްސް ކައުންސިލްގެ ނައިބު ރައީސްގެ މަގާމަށް ރާއްޖެ
Read Time:2 Minute, 22 Second
އދ.ގެ ހިއުމަން ރައިޓްސް ކައުންސިލްގެ ނައިބު ރައީސްގެ މަގާމަށް ރާއްޖެ އިންތިހާބުކޮށްފި އެވެ.
މިއީ މި މަގާމް ދިވެހިރާއްޖެއަށް ލިބުނު ތިންވަނަ ފަހަރެވެ. މީގެ ކުރިން 2013 އަދި 2023 ވަނަ އަހަރުގައިވެސް ރާއްޖެވަނީ މަޖިލީހުގެ ނައިބު ރައީސްގެ މަގާމު އަދާކޮށްފައެވެ.
އިއްޔެ ބޭއްވި ކައުންސިލް މީޓިންގް އެއްގައި ހިއުމަން ރައިޓްސް ކައުންސިލުން ވަނީ 2025 ވަނަ އަހަރުގެ ބާކީ އޮތް ދުވަސްތަކުގައި ހިއުމަން ރައިޓްސް ކައުންސިލްގެ ނައިބު ރައީސް ކަމަށް ޖެނީވާގައި ހުންނަވާ ޑރ. ސަލްމާ ރަޝީދް އިންތިހާބުކޮށްފައެވެ. މި މަގާމަށް ސަލްމާގެ ނަން ހުށަހެޅީ އޭޝިއާ-ޕެސިފިކް ގައުމު ތަކުންނެވެ.
ޑރ.ސަލްމާ ކައުންސިލްގެ ނައިބް ރައީސްގެ މަގާމުގައި ހުންނަވާނީ، އެކައުންސިލްގެ ހަތަރު ނައިބު ރައީސްގެ ތެރެއިން އެކަކުގެ ގޮތުގައެވެ. އެ ކައުންސިލްގެ ދެން ނައިބު ގައުމު ތަކަކީ ޗިލީ، ޑިމޮކްރެޓިކް ރިޕަބްލިކް އޮފް ކޮންގޯ އަދި ރޫމިނިއާ އެވެ.
މިކަމާއި ގުޅިގެން ރައީސް ޑރ. މުހައްމަދު ވަނީ އެކްސްގައި ކުރެއްވި ޕޯސްޓެއްގައި، މި މަގާމް ލިބުމުން ހިއުމަން ރައިޓްސް ކައުންސިލްގެ މެމްބަރެއްގެ ގޮތުގައި، އިންސާފުވެރި، ހަމަހަމަކަމާއި އިންސާނީ ކަރާމާތުގެ އުސޫލުތައް ހިފެހެއްޓުމަށް ކުރާ މަސައްކަތް އިތުރަށް ވަރުގަދަވެގެން ދާނެކަމަށް ވިދާޅުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %