އިސްރާއީލުން ޣައްޒާ ހޮސްޕިޓަލަށް ދިން ހަމަލާގައި ނޫސްވެރިންނާއި މެޑިކްސް މަރާލައިފި
Read Time:2 Minute, 35 Second
އިސްރާއީލުން ޣައްޒާގެ ދެކުނުގައި އޮންނަ ނަސަރް ހޮސްޕިޓަލަށް ބޮން އަޅައި އެތައް ބަޔަކު މަރާލައިފި އެވެ.
މި ހަމަލާގައި 21 މީހުން މަރުވެފައިވާއިރު އޭގެ ތެރޭގައި ފަސް ނޫސްވެރިންނާއި މެޑިކްސް އަދި ރެސްކިއު ވޯކަރުން ހިމެނެއެވެ. މި ހަމަލާގައި ފުރަތަމަ ބޮން ގޮއްވައި، ދެވަނަ ބޮން އެޅީ މީހުނަށް އެހީ ވަމުން ދިޔަ ވަގުތުގައެވެ. މަރުވި މީހުންގެ ތެރޭގައި އަލްޖަޒީރާ، ރޮއިޓާސް، އަދި އެސޯސިއޭޓެޑް ޕްރެސްގައި މަސައްކަތް ކުރާ ނޫސްވެރިން ހިމެނެއެވެ. މިއީ މި ހަނގުރާމަ ފެށުނު ފަހުން ހޮސްޕިޓަލްތަކަށާއި މީޑިއާގެ މަސައްކަތްތެރިންނަށް އަމާޒުކޮށް ދިން އެންމެ ވަރުގަދަ އެއް ހަމަލާ އެވެ.
މި ހަމަލާ އާއި ގުޅިގެން ނޫސްވެރިކަމުގެ މިނިވަންކަމުގެ ޖަމާއަތްތަކާއި އިންސާނީ ހައްގުތަކަށް ވަކާލާތުކުރާ ފަރާތްތަކާއި އދ. އަދި އަލްޖަޒީރާއިން ބުނީ އެއީ ގަސްތުގައި “ހަގީގަތް ވަޅުލުމަށް” ދިން ހަމަލާއެއް ކަމަށެވެ. އަދި ފާޑުކިޔާ ފަރާތްތަކުން ބުނާ ގޮތުގައި އިސްރާއީލުން ޣައްޒާގައި ހިންގާ އަމަލުތަކަކީ ކަވަރޭޖް ހުއްޓުވުމަށް ނޫސްވެރިންނާ ދެކޮޅަށް ކުރާ ހަނގުރާމައެކެވެ.
މި ހަމަލާއަށް ފަހު އިސްރާއީލުން ވަނީ ހޮސްޕިޓަލަށް ދިން ހަމަލާއަކީ ”ހިތާމަވެރި ހާދިސާއެއް“ ކަމަށް ބުނެ ތަހުގީގު ކުރާނެ ކަމަށް ވައުދުވެފަ އެވެ. ނަމަވެސް މިގޮތަށް އިސްރާއީލުން އަބަދުވެސް ތަހުގީގެއް ކޮށް، ބަޔާނެއް ނެރޭއިރު، އަސްލު ހަގީގީ އެއްވެސް ފިޔަވަޅެއް ނާޅައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %