މީޑިއާ ރެގިއުލޭޓް ކުރާ ބިލާ ދެކޮޅަށް ނޫސްވެރިން މުޒާހަރާ ކުރަނީ
Read Time:2 Minute, 48 Second
ރައްޔިތުންގެ މަޖިލީހުން ހުށަހަޅައިފައިވާ މީޑިއާ ރެގިއުކޭޓް ކުރާ ބިލާ ދެކޮޅަށް ނޫސްވެރިން ކުރިމުޒާހަރާ ތެރެއިން ބައެއް ނޫސްވެރިން ހައްޔަރު ކޮށްފިއެވެ.
މަޖިލީހުގެ ދައުރުން ބޭރުގައި މިއަދު ބޭއްވި ޖަލްސާގައި މި ބިލް ބަލައިގަތީ ވެރިކަން ކުރާ ޕާޓީ، ޕީއެންސީގެ 49 މެންބަރުންގެ ވޯޓުންނެވެ. ބިލު ބަލައިގަތުމާއި ދެކޮޅަށް ވޯޓު ދެއްވީ 12 މެންބަރުންނެވެ.
މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަން ބިލް މަޖިލީހަށް ބަލައިގެން ވަގުތު ވެސް މި ބިލު ބަލައިގަތުމާ ދެކޮޅަށް ނޫސްވެރިން ދިޔައީ މަޖިލިސް ދޮށުގައި މުޒާހަރާކުރަމުންނެވެ. އަދި ފަހުން ރައީސް އޮފީސް ދޮށަށް އެއްވެ މުޒާހަރާ ކުރަނިކޮށް ފުލުހުން ވަނީ މުޒާހަރާއަށް ހުރަސް އަޅާފައެވެ.
އެވަގުތު ބައެއް ނޫސްވެރިން ހިފަހައްޓައި ފުލުހުންގެ ވެހިކަލަށް ގެންގޮސް ވަނީ ގާނޫނީ އިންޒާރު ދީ ދޫކޮށްލާފައެވެ. އަދި ދޫކޮށްލުމާއެކު ނޫސްވެރިން އަލުން ވަނީ މުޒާހަރާ އާ ގުޅިފައެވެ.
މުޒާހަރާގެ ބައިވެރިން ގޮވާލަނީ ޑިމޮކްރަސީގެ ބާރެއް ކަމަށްވާ މިނިވަން މީޑިއާ ސަރުކާރުގެ ކޮންޓްރޯލްގެ ދަށަށް ދާނެ ގާނޫނެއް ނުހެދުމަށެވެ.
އައު ގާނުނާއެކު މިހާރު އޮތް މޯލްޑިވްސް ބްރޯޑްކާސްޓިން ކޮމިޝަނާއި މޯލްޑިވްސް މީޑިއާ ކައުންސިލް އުވާލައި، މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުގައި އައު ކޮމިޝަނެއް އުފައްދާނެއެވެ. އަދި މި ކޮމިޝަންގައި ތިއްބަވާ ހަތް މެންބަރުންގެ ތެރެއިން ތިން މެންބަރުންނާއި އަދި ކޮމިޝަންގެ ރައީސް އައްޔަންކުރަނީ ރައީސުލްޖުމްހޫރިއްޔާ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %