އެމެރިކާގެ މުހިންމު ޑޭޓާ އަންނަން ހުރިއިރު ރަނުގެ އަގު 3،400 ޑޮލަރާ ގާތްކުރާ އަދަދެއްގައި
Read Time:2 Minute, 47 Second
ރަނާއި ޑޮލަރު (އެކްސްއޭޔޫ/ޔޫއެސްޑީ) ގެ މާކެޓް އޮތީ އެމެރިކާގެ މުހިންމު ޑޭޓާގެ އިންތިޒާރުގައި، 3،400 ޑޮލަރާއި ގާތް ކުރާ އަގެއްގައެވެ.
ކުޑަކޮށް ޕްރެޝަރުގައި އޮތް ރަނަށް އަލުން ބާރެއް ލިބުނީ އެމެރިކާ ޑޮލަރުގެ އަގު ދަށްވެ، ޓްރެޝަރީގެ އާމްދަނީ ދަށްވުމުންނެވެ. އެމެރިކާގެ ފެޑްގެ މައްސަލަ އަދިވެސް ވަކި ގޮތަކަށް ނުނިމޭތީ އާއި އިންފްލޭޝަންގެ ޕްރެޝަރުތައް އިތުރުވަމުން އައުމުގެ ސަބަބުން އިންވެސްޓަރުން ވަނީ އަލުން ރަނަށް އިންވެސްޓް ކުރަން ފަށާފައެވެ.
މާކެޓްތައް މިހާރު ފޯކަސް ކުރަނީ ކުރިއަށް އޮތް އެމެރިކާގެ އިގްތިސާދީ ޑޭޓާތަކަށެވެ. މި ޑޭޓާ ރިޕޯޓާއެކު ދެން އެމެރިކާއިން ފެޑަށް ގެންނާނެ ބަދަލުތައް އަންދާޒާ ކުރެވުމުގެ ފުރުސަތު އޮންނާނެ އެވެ. ފެޑަށް ގެންނަ ބަދަލެއްގެ ސަބަބުން އިންޓްރެސްޓް ރޭޓް ބަދަލު ވެއްޖެ ނަމަ މުޅި މާކެޓަށް ވަރުގަދަ ބަދަލުތަކެއް އައިސް، ރަނާއި ޑޮލަރުގެ އަގުތައް ބޮޑުތަނުން ބަދަލުވާނެ އެވެ.
ރައީސް ޑޮނަލްޑް ޓްރަމްޕް ފެޑްގެ ގަވަރުނަރު ލީސާ ކޫކް މަގާމުން ދުރުކުރުމަށް ބާރުއަޅުއްވާއިރު، އޭގެ ބަދަލުގައި އޭނާ އެ މަގާމަށް ގެންނަން ބޭނުންވަނީ ސްޓީވަން މިރާންއެވެ. މި ހާލަތުގެ ސަބަބުން ފެޑްގެ މިނިވަންކަމާ ގުޅޭގޮތުން އިންވެސްޓަރުންގެ ޔަގީންކަން ވަނީ ދަށްވެފއެވެ.
ރަނާއި ޑޮލަރުގެ މާކެޓަށް ޓެކްނިކަލް ނަޒަރަކުން ބަލާއިރު، ރެސިސްޓެންސް ލެވެލް އޮތީ 3،409 ޑޮލަރުގައެވެ. އަދި 3،400 ޑޮލަރަށް ވުރެން މަތި ވެއްޖެ ނަމަ 3،440 އާއި އަގު ގާތް ކޮށްފާނެއެވެ. މިވަގުތު ސަޕޯޓް އޮތީ 3،375 ޑޮލަރުގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %