މިފްކޯއިން ފުވައްމުލައް ސިޓީން މަސްގަންނަން ފަށައިފި
Read Time:2 Minute, 15 Second
ސަރުކާރުގެ މަސް ކުންފުނި، މޯލްޑިވްސް އިންޑަސްޓްރިއަލް ފިޝަރީޒް ކޮންޕެނީ ލިމިޓެޑް (މިފްކޯ) އިން ފުވައްމުލައް ސިޓީ ބަނދަރުން މަސްގަންނަން ފަށައިފިއެވެ.
މިފްކޯ އިން ބުނީ މިދިޔަ ބުރާސްފަތި ދުވަހު ފުވައްމުލައް ސިޓީގެ ބަނދަރުގައި މިފްކޯގެ ބޯޓު ބަނދަރުކޮށް، އިއްޔެ އިން ފެށިގެން މަސް ގަންނަމުންދާ ކަމަށެވެ. ފުވައްމުލައް ސިޓީ ސަރަހައްދުން މަސް ގަންނަން މިފްކޯ އިން ބޭނުން ކުރަނީ އެކުންފުނީގެ 36 މެޓްރިކްޓަނުގެ، މަސްކިރުވައި ރައްކާކުރެވޭ ޖާގައިގެ ”ރަނދި 19“ ބޯޓެވެ.
މިފްކޯގެ އޮޕަރޭޝަންތައް ފުޅާކޮށް، މަސްވެރިކަމުގެ ސިނާއަތް އިތުރަށް ހަރުދަނާ ކުރުމަށް ކުރަމުންދާ މަސައްކަތްތަކުގެ ތެރެއިން އެ ކުންފުނީގެ ސީއީއޯ މި އޮގަސްޓް މަހު ފުވައްމުލަކަށް ކުރެއްވި ދަތުރުފުޅެއްގައި ވަނީ އެސިޓީން މަސްގަތުމުގެ ކަންތައް ހަމަޖެހިގެން ދާނެ ކަމަށް ވިދާޅުވެފައެވެ.
މިފްކޯއިން އަންނަނީ ރާއްޖޭގެ މަސްވެރިކަމުގެ ސިނާއަތް އިތުރަށް ހަރުދަނާ ކުރުމަށް ގިނަ މަސައްކަތްތަކެއް ކުރަމުންނެވެ. އެގޮތުން ފުވައްމުލައް ސިޓީގައި މަސް ޕްރޮސެސިން ފެސިލިޓީއެއް ތަރައްގީކުރުމުގެ މަސައްކަތް ފަށައި، ސީދާ އައްޑޫ ސިޓީން މަސް އެކްސްޕޯޓް ކުރަން ފެށުމުގެ މަސައްކަތް ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %