ރަނުގެ އަގު ރެކޯޑް އަދަދަށް މައްޗަށް ގޮސް، އައުންސެއް 3500 ޑޮލަރަށް
Read Time:2 Minute, 26 Second
ރަނުގެ އަގު ރެކޯޑް އަދަދަށް މައްޗަށް ގޮސް، އައުންސެއް 3500 ޑޮލަރަށް އަރައިފިއެވެ.
ރަނުގެ އަގު މައްޗަށް ދިޔުމުގެ މައިގަނޑު ސަބަބަކީ އެމެރިކާގެ އިންޓަރެސްޓް ރޭޓް ކުޑަވާނެ ކަމަުގެ އުންމީދުތަކާއި ރައީސް ޓްރަމްޕްގެ ޓެރިފްތަކާ މެދު ޔަގީންކަން ނެތްކަން އިތުރުވަމުންދާތީ އެވެ. އެގޮތުން ޓްރަމްޕްގެ ޓެރިފްތައް ގާނޫނާ ހިލާފު ކަމަށް ކޯޓުން ނިންމި ނަމަވެސް އޮކްޓޯބަރު މަހުގެ މެދުތެރެއާ ހަމައަށް އެ ޓެރިފްތައް ބެހެއްޓުމުގެ ހުއްދަ ވަނީ ދީފައެވެ.
ޓްރަމްޕް ވަނީ އެ ނިންމުމަށް ސުޕްރީމް ކޯޓުގައި ދެކޮޅަށް ނަގާނެ ކަމަށް ވިދާޅުވެފައެވެ. ނަމަވެސް މިކަމުގެ ސަބަބުން އިގްތިސާދީ ހާލަތާއި މެދު އޮތް ޔަގީންކަން ގެއްލި، އިންވެސްޓަރުން ވަނީ ރަން ފަދަ ސޭފް ހޭވެން ތަކަށް އިންވެސްޓް ކުރަން ފަށާފައެވެ.
ރަނުގެ އަގު މައްޗަށް ގޮސް، ސްޕޮޓް ގޯލްޑް އޯންސެއްގެ އަގު 3،508.54 ޑޮލަރަށް އަރައި 3،478.37 ޑޮލަރަށް ވަނީ ވެއްޓިފައެވެ. އަދި ޑިސެމްބަރު މަހުގެ ފިއުޗާސް ވަނީ 3،578.20 ޑޮލަރަށް އަރާފައެވެ.
ރަނުގެ އިތުރުން އެހެން މައުދަނުތަކުގެ އަގުވެސް ވަނީ އުފުލިފައެވެ. އެގޮތުން ރިހީގެ އަގު 14 އަހަރު ތެރޭ އުފުލުނު އެންމެ މަތީ އަދަދަށް އަރައި، ޕްލެޓިނަމްގެ އަގުވެސް ވަނީ އުފުލިފައެވެ.
މީގެ ދުވަސް ކޮޅެއް ކުރިން ރަނަށް އިންވެސްޓް ކުރި ފަރާތްތަކަށް ވަނީ ބޮޑު ފައިދާއެއް ވެފައެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %