ކުރީގެ ރައީސުންނާއި މެންބަރުންގެ އިނާޔަތް ކުޑަކުރަން ފެނޭ: ރައީސް މުއިއްޒު
Read Time:3 Minute, 21 Second
ކުރީގެ ރައީސުންނާއި ރައްޔިތުންގެ މަޖިލީސް މެންބަރުންނަށް ދައުލަތުން ދެމުންދާ އިނާޔަތްތައް ކުޑަކުރަން ފެނިވަޑައިގަންނަވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މިހެން ވިދާޅުވެފައިވާ ކަމުގެ ހަބަރު ވަނީ ގިނަ މީޑިއާ ތަކަކުން ރިޕޯޓްކޮށްފައެވެ. އެގޮތުން ރައީސް މިހެން ވިދާޅުވެފައިވަނީ ޕީއެންސީގެ މަޖިލިސް މެންބަރުން ތިއްބަވާ ގްރޫޕަކަށް ކުރެއްވި މެސެޖެއްގައި ކަމަށް މައުލޫމާތު ލިބެއެވެ.
ރައީސް މިސެޖް ކުރައްވާފައި މިވަނީ ސޯޝަލް މީޑިއާގައި ކުރީގެ މެންބަރުންނާއި ރައީސުންނަށް ދެމުން އަންނަ އިނާޔަތްތަކާއި މެދު ކަންބޮޑުވުން ފާޅުކުރަމުން އަންނަ ދަނޑިވަޅެއްގައެވެ. މިފަދަ އިނާޔަތްތައް އެކީ ކަނޑާލުމަށް ގޮވާލައި އަޑު ވަނީ މި ފަހުން ވަރަށް ގަދަ ވެފައެވެ.
ކުރީގެ ރައީސުންނަށް އިނާޔަތް ދޭން ފެށީ 2009 ވަނަ އަހަރުގައެވެ. އެގޮތުން އެއް ދައުރުކޮށްފައިވާ ރައީސުންނަށް ކޮންމެ މަހަކު 50,000 ރުފިޔާ އަދި އެއް ދައުރަށްވުރެ ގިނަ ދައުރުކޮށްފައިވާ މީހަކަށް، 75,000 ރުފިޔާ ލިބެ އެވެ. އަދި މީގެ އިތުރުން ކުރީގެ ރައީސުންނަށް ދިރިއުޅޭނެ ތަނެއް ހަމަޖައްސަން އިތުރު 50،000 ރުފިޔާއެއް ދޭއިރު، އޮފީސް ހިންގުމުގެ ހަރަދުގެ ގޮތުގައި 175،000 އެއްހާ ރުފިޔާ ދެއެވެ.
ކުރީގެ މެންބަރުންނަށް ވެސް މިފަދަ ބޮޑެތި އިނާޔަތްތަކެއް އަންނަނީ ދެމުންނެވެ. އެގޮތުން މަޖިލީހުގެ މެންބަރުކަން ކޮށްފައިވާ ފަރާތްތަކަށް، އުމުރުން 55 އަހަރުވުމުން، އެއް ދައުރު މެންބަރުކަން ކުރެއްވި ފަރާތްތަކަށް މުސާރައިގެ 30 ޕަސެންޓު އަދި ދެ ދައުރު މެންބަރުކަން ކުރެއްވި ފަރާތްތަކަށް މުސާރައިގެ 45 ޕަސެންޓް ލިބެއެވެ. އަދި މީގެ އިތުރުން ހެލްތު އިންޝޫރަންސް ވެސް އެމީހުނަށް ލިބެއެވެ.
2014 ވަނަ އަހަރުން ފެށިގެން ކުރީގެ މެންބަރުންގެ ހެލްތު އިންޝުއަރެންސަށް 18.9 މިލިއަން ރުފިޔާ ވަނީ ހޭދަކޮށްފައެވެ
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %