ހަމަލާތައް ހުއްޓުވުމަށް ސްޕެއިން އިން އިސްރާއީލަށް ހަތިޔާރު ދިނުން މަނާކޮށްފި
Read Time:2 Minute, 56 Second
ޣައްޒާއަށް ދެމުން އަންނަ ހަމަލާތައް ހުއްޓުވުމަށް ސްޕެއިން އިން އިސްރާއީލަށް ހަތިޔާރު ދިނުން މަނާކޮށްފައިވާ ކަމަށް އެގައުމުން އިއުލާންކޮށްފިއެވެ.
ސްޕެއިންގެ ބޮޑުވަޒީރު ޕެޑްރޯ ސަންޗޭޒް ވިދާޅުވީ، އެ ނިންމުމަކީ ”ނަސްލު ނައްތާލުމުގެ މަސައްކަތް ހުއްޓުވައި“ ފަލަސްތީނުގެ ރައްޔިތުންނަށް އެއްބާރުލުން ދިނުމަށް ނިންމާފައިވާ ނިންމުމެއް ކަމަށެވެ. އަދި އޭނާ ވިދާޅުވީ ގައުމެއް ދިފާއު ކުރުމަކީ އަނެއް ގައުމުގެ ހޮސްޕިޓަލްތަކަށް ބޮން އަޅައި، ނުވަތަ ކުޑަކުދިން ބަނޑުހައިހޫނުކަމުގެ ތެރެއަށް ވައްޓާލުން ފަދަ ކަންތަކެއް ނޫން ކަމަށެވެ.
އާ ފިޔަވަޅުތަކުގެ ސަބަބުން އިސްރާއީލަށް ހަތިޔާރު ވިއްކުމާއި ޝިޕްމަންޓްގެ ހުރިހާ ކަމެއް ހުއްޓުވޭނެއެވެ. ސްޕެއިންގެ ބަނދަރުތަކާއި ވައިގެ ސަރަހައްދުން އިސްރާއީލުގެ އަސްކަރިއްޔާއަށް ހަތިޔާރު ނުވަތަ ތެޔޮ އުފުލާ ބޯޓު ނުވަތަ ބޯޓުތަކަށް ދެން ހުއްދައެއް ނުދޭނެއެވެ. އަދި ހިފާފައިވާ ސަރަހައްދުތަކުގައި އިސްރާއީލުން އާބާދުވާ ތަންތަނުގައި އުފައްދާ މުދާ ވެސް ސްޕެއިންއަށް އެތެރެވުން މަނާކުރާނެއެވެ.
އިންސާނީ އެހީ އިތުރުކުރުމަށް ވެސް ސްޕެއިން ވަނީ ވައުދުވެފައެވެ. ސަރުކާރުން ބުނީ 2026 ވަނަ އަހަރުގެ ނިޔަލަށް ޣައްޒާއަށް 150 މިލިއަން ޔޫރޯ ފޯރުކޮށްދިނުމަށް ހަމަޖެހިފައިވާ ކަމަށެވެ.
މިކަމާއި ގުޅިގެން އިސްރާއީލުންވަނީ ސްޕެއިންގެ މި ފިޔަވަޅަކީ ”އެންޓިސެމިޓިކް“ ފިޔަވަޅެއް ކަމަށް ބުނެ، ސަންޗޭޒް މިކަން ކުރަނީ ސިޔާސީ ބޭނުންތަކަށް ކަމަށް ތުހުމަތުކޮށްފައެވެ. އަދި އިސްރާއީލުން ވަނީ ސްޕެއިންގެ ދެ ވަޒީރަކު އެގައުމަށް ވަނުން މަނާކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %