މި މަހުގެ ފުރަތަމަ 13 ދުވަހު 50،000 އަށް ވުރެ ގިނަ ފަތުރުވެރިން ޒިޔާރަތްކޮށްފި
Read Time:2 Minute, 53 Second
މިމަހުގެ ފުރަތަމަ 13 ދުވަސްތެރޭ ރާއްޖެއަށް ބައިލައްކައަށްވުރެ ގިނަ ފަތުރުވެރިން ޒިޔާރަތްކޮށްފައިވާކަމަށް، ޓޫރިޒަމް މިނިސްޓްރީން އާންމުކޮށްފައިވާ އެންމެ ފަހުގެ ތަފާސްހިސާބުތަކުން ދައްކައިފިއެވެ. މިއީ ރާއްޖޭގެ ފަތުރުވެރިކަމުގެ ސިނާއަތަށް ލިބުނު އިތުރު ކާމިޔާބީއެކެވެ.
އެ މިނިސްޓްރީން ނެރެފައިވާ ތަފާސްހިސާބުތައް ދައްކާގޮތުން، މިމަހުގެ ފުރަތަމަ 13 ދުވަސްތެރޭ ރާއްޖެއަށް ޖުމްލަ 62,027 ފަތުރުވެރިން ޒިޔާރަތްކޮށްފައިވެއެވެ. މި އަދަދުތަކަކީ މިދިޔަ އަހަރުގެ މި މުއްދަތާއި އަޅާބަލާއިރު %18.7 އިތުރު އަދަދެކެވެ. މިކަމުން ދައްކުވައިދެނީ ރާއްޖޭގެ ފަތުރުވެރިކަމުގެ ދުވެލި ބާރުވެ، އެކި ގައުމުތަކުން ރާއްޖެއަށް ޒިޔާރަތްކުރުމަށް ދެމުންދާ ސަމާލުކަން އިތުރުވެފައިވާ މިންވަރެވެ.
މި އަދަދުތަކާއެކު މި އަހަރުގެ މިހާތަނަށް ރާއްޖެއަށް ވަނީ ޖުމްލަ 1.5 މިލިޔަން ފަތުރުވެރިން ޒިޔާރަތްކޮށްފައެވެ. މިއީ މިދިޔަ އަހަރުގެ މި މުއްދަތުގައި ރާއްޖެއަށް ޒިޔާރަތްކޮށްފައިވާ 1.4 މިލިޔަން ފަތުރުވެރިންގެ އަދަދާ އަޅާ ބަލާއިރު %9.7 އިތުރު އަދަދެކެވެ. ތަފާސްހިސާބުތަކުން ދައްކާގޮތުން، މިވަގުތު ރާއްޖެއަށް އެންމެ ގިނަ އަދަދަކަށް ފަތުރުވެރިން ޒިޔާރަތްކުރަމުން އަންނަނީ ޗައިނާއިންނެވެ.
ސަރުކާރުން އަމާޒުކޮށްފައިވަނީ ރާއްޖެއަށް 2.3 މިލިއަން ފަތުރުވެރިންގެނައުމަށެވެ. އަދި މި އަމާޒު ހާސިލްކުރަން ދެން ބޭނުން ވާނީ 7 ލައްކަ ފަތުރުވެރިން ކަމަށްވާއިރު، ފަތުރުވެރިކަމުގެ ވުުޒާރާއިން ވިދާޅުވީ މި އަދަދު ހާސިލް ކުރެވޭނެ ކަމުގެ އުއްމީދު ބޮޑުކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %