ރަނުގެ އަގު ރިކޯޑު މަތީ އަގުތަކާ ކައިރީގައި، ސަބަބުތައް ގިނަ
Read Time:3 Minute, 20 Second
ދުނިޔޭގެ އިޤްތިޞާދީ ބާޒާރުގައި ރަނުގެ އަގު މިހާރު ހުރީ ރިކޯޑު މަތީ އަގުތަކާ ވަރަށް ކައިރީގައެވެ.
މިކަމުގެ މައިގަނޑު ސަބަބަކީ އެމެރިކާގެ މަރުކަޒީ ބޭންކު، ފެޑެރަލް ރިރޒާވް އިން، އިންޓަރެސްޓް ރޭޓު ދަށްކުރުމަށް މިސްރާބު ޖަހާފައިވުމާއި، ދުނިޔޭގެ ސިޔާސީ ނުތަނަވަސްކަންތައް އިތުރުވެފައިވުމެވެ. މި ދެކަމުގެ ސަބަބުން ރަނަށް އޮންނަ ޑިމާންޑު ވަރަށް ބޮޑަށް އިތުރުވެފައިވާ ކަމަށް ފާހަގަކުރެވެއެވެ.
ފެޑެރަލް ރިޒާވުން އިންޓަރެސްޓް ރޭޓު ދަށްކުރަން ނިންމުމަކީ އިންވެސްޓަރުންނަށް ރަން ގަތުމަށް ބާރުއަޅާ ކަމެކެވެ. ސަބަބަކީ، އިންޓަރެސްޓް ރޭޓު ދަށްވުމުން، ރަނުން ނަފާ ލިބޭ މިންވަރު އިތުރުވާ ކަމަށް ބެލެވޭތީއެވެ. މީގެ އިތުރުން، ދުނިޔޭގެ އެކި ކަންކޮޅުތަކުގައި ސިޔާސީ ގޮތުން ހަމަނުޖެހުންތަކާއި ނުތަނަވަސްކަންތައް އިތުރުވަމުންދިޔުމާއެކު، މިފަދަ ހާލަތްތަކުގައި އިންވެސްޓަރުން ”ސޭފް ހޭވެން“ އެއްގެ ގޮތުގައި ރަނަށް އިންވެސްޓް ކުރެއެވެ.
ނަމަވެސް، ރަނުގެ އަގު މާބޮޑަށް މައްޗަށް ދިޔަ ނުދިނުމަށް ހުރި ބައެއް ކަންކަން ފާހަގަކުރެވެއެވެ. އެގޮތުން، އެމެރިކާ ޑޮލަރު، ދާދި ފަހުން ދަށްވި އަގުތަކުން އަލުން ރަނގަޅުވެ ވަރުގަދަވަމުން ދިޔުމާއި، ސްޓޮކް މާކެޓުތައްވެސް ހަލުވިކަމާއެކު ކުރިއަރަމުން ދިޔުމާއި އެކު އިންވެސްޓަރުންގެ ބައެއް ބޭނުންތައް ސްޓޮކް މާކެޓުތަކުން ފުއްދާލައެވެ.
މިހާރު އައުންސަކަށް 3,700 ޑޮލަރަށް ވުރެ ކުޑަ އަގެއްގައި ވިޔަފާރިކުރަމުން އަންނަ ރަނުގެ އަގު ހުރީ ރިކޯޑު މަތީ އަގުތަކާ ވަރަށް ކައިރީގައެވެ. މާކެޓު ދިރާސާ ކުރާ މާހިރުން ބުނާގޮތުގައި، މިހާރު ރަނުގެ އަގު ”އޯވަރ ބައި“ ވެފައި ހުރިއިރު، ފައިސާގެ ސިޔާސަތުތަކާއި، ފައިސާގެ އަގަށް އަންނަ ބަދަލުތަކާއި، ޖިއޯޕޮލިޓިކަލް ހާލަތައް އިންވެސްޓަރުން ބަލައި، ރަނުގެ އަގު އަދިވެސް މައްޗަށް ދާ ޕްރެޝަރު ވަރުގަދައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %