ފޮޓޯ: ޕީއެސްއެމް
ކޮރަޕްޝަންގެ މައްސަލައިގައި ފެނަކަގެ ކުރީގެ އެމްޑީ ސައީދު 4 އަހަރަށް ޖަލަށް
Read Time:2 Minute, 2 Second
ފެނަކަގެ ކުރީގެ މެނޭޖިންގ ޑިރެކްޓަރ އަހްމަދު ސައީދު މުޙައްމަދު 4 އަހަރަށް ޖަލަށްލުމަށް ހުކުމްކޮށްފިއެވެ.
ސައީދުގެ މައްޗަށް ވަނީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށް ސާބިތުވެފައެވެ. އަދި މިއަދު ކްރިމިނަލް ކޯޓުން ވަނީ އޭނާގެ މައްޗަށް 4 އަހަރު ދުވަހުގެ ޖަލު ހުކުމެއް އިއްވާފައެވެ.
މި މައްސަލައަކީ 2018 ވަނަ އަހަރު ފެނަކައާއި ބްލޭޒަން އިންކް ޕްރައިވެޓް ލިމިޓެޑާ ދެމެދު ވެފައިވާ އެއްބަސްވުމެއްގެ ދަށުން، ބްލޭޒަން އިންކް ކުންފުނިން މަސައްކަތް ފުރިހަމަ ކޮށްފައި ނުވަނީސް، އަދި މަސައްކަތް ނިންމިކަން ކަށަވަރު ނުކޮށް، އެ މަސައްކަތަށްވާ ފައިސާ ދޫކުރި މައްސަލައެވެ.
ސައީދުގެ އިތުރުން މި މައްސަލައިގައި ފެނަކަގެ އޭރުގެ ޕްރޮކިއުމަންޓް ހެޑް، މަރްޔަމް ދީނާ ޞާލިޙުގެ މައްޗަށް ވެސް ވަނީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އުފުލާފައެވެ.
މި މައްސަލައިގައި 4 އަހަރު ދުވަހުގެ ޖަލު ހުކުމެއް ސައީދުއައް އައިސްފައިވާިއރު، އޭނާގެ މައްޗަށް ތުހުމަތު ކުރެވޭ އިތުރު މައްސަލަތަކެއް ވެސް ވަނީ ފެންމަތިވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %