ފޮޓޯ: ގެޓީ އިމޭޖެސް
އިސްރާއީލުގެ ހަމަލާ ތަކުގައި އަސީރުން މަރުވެދާނެ ކަމުގެ އިންޒާރު ހަމާސް އިން ދީފި
Read Time:2 Minute, 30 Second
އިސްރާއީލުގެ ޓޭންކަރުތަކާއި ވައިގެ ހަމަލާތަކުން އިސްރާއީލުގެ އަސީރުންގެ ފުރާނައަށް ނުރައްކާވެފައިވާ ކަމަށް ހަމާސް އިން އިންޒާރު ދީފިއެވެ.
އެ ޖަމާއަތުން ބުނީ، އިސްރާއީލުން ދިން ބޮމުގެ ހަމަލާއެއްގައި، ގޮއްވާލުމުގެ ފަހުން އަސީރުން ކައިރީގައި ތިބި ހަމާސް ޖަމާއަތުގެ މީހުންނާއި މުއާސަލާތީ ގުޅުން ކެނޑިފައިވާ ކަމަށެވެ. އަދި އެޖަމާއަތުން ވަނީ އިސްރާއީލަށް ވައިގެ ހަމަލާތައް 24 ގަޑިއިރު މަޑުޖައްސާލުމަށް ޑިމާންޑް ކޮށްފައެވެ.
އިސްރާއީލުން ބުނާ ގޮތުގައި ޣައްޒާގައި އަދިވެސް 48 އަސީރުން ތިބި ނަމަވެސް ދިރިތިބި ކަމަށް ބެލެވެނީ އެންމެ 20 މީހުންނެވެ. އެމީހުންގެ އާއިލާތަކުން އަންނަނީ އިސްރާއީލުގައި މުޒާހަރާކޮށް، ހަނގުރާމަ ހުއްޓާލުމަށާއި އެމީހުން ގެއަށް ގެނައުމަށް އެއްބަސްވުމެއް ހަދަން ގޮވާލަމުންނެވެ.
ނަމަވެސް ބޮޑުވަޒީރު ނަތަންޔާހޫ އާއި އިސްރާއީލުގެ ސަރުކާރުން ވަނީ ހަނގުރާމަ ހުއްޓުވަން ދެކޮޅު ހަދާފައެވެ. އަދި ހަމާސް ބަލި ކުރެވެންދެން ހަނގުރާމަ ކުރިއަށް ގެންދަން ޖެހޭ ކަމަށް އޭނާ ބުނެފައިވެއެވެ.
ގަތަރުންނާއި މިސްރުން ހަނގުރާމަ ހުއްޓާލުމަށް ކުރަމުން އައި މަސައްކަތް ވަނީ މިހާރު ހުއްޓިފައެވެ. މި މަހުގެ ކުރީކޮޅު ދޯހާގައި އިސްރާއީލުން ހަމާސްގެ ލީޑަރުންނަށް އަމާޒުކޮށް ކަމަށް ބުނެ ދިން ހަމަލާއަށް ފަހު މަޝްވަރާތައް އަދިވެސް ވަނީ ހުއްޓުމަކަށް އައިސްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %