ފޮޓޯ: އެފްއޭއެމް
ފައިސާތަކަށް ހިޔާނާތްތެރިވި މައްސަލައިގައި ބައްސާމް ހަތަރު އަހަރަށް ޖަލަށް
Read Time:1 Minute, 48 Second
ފީފާއިން ދިން ފައިސާތަކަކަށް ހިޔާނާތްތެރިވި މައްސަލައިގައި އެފްއޭއެމްގެ ކުރީގެ ރައީސް ބައްސާމް އަދީލް ޖަލީލް ހަތަރު އަހަރަށް ޖަލަށް ލުމަށް ހުކުމްކޮށްފިއެވެ.
ބައްސާމްގެ މައްޗަށް ދައުލަތުން އުފުލީ މަނީ ލޯންޑަރިންގާއި ފައިސާއަށް ހިޔާނާތްވި ކަމުގެ ދައުވާއެވެ. މި ދެ ދައުވާ ވެސް ވަނީ އޭނާގެ މައްޗަށް ސާބިތުވެފަ އެވެ.
މި މައްސަލަގައި ބައްސާމް ވަނީ 2018 ވަނަ އަހަރު ފީފާއިން އެފްއޭއެމްގެ އެކައުންޓަށް ޖަމާކުރި 10،000 ޑޮލަރު އޭނާގެ އަމިއްލަ އެކައުންޓަށް ޖަމާކޮށްފައެވެ. އަދި މިއީ އޭނާ އެފައިސާ މާރު ކުރުމަށް ކަމަށް ބުނި ނަމަވެސް އެފްއޭއެމް އަކައުންޓަށް ދިވެހި ފައިސާ ޖަމާކޮށްފައެއް ނުވެއެވެ.
ބައްސާމްގެ މައްޗަށް ކުށް ސާބިތުވެ ހަތަރު އަހަރުގެ ހުކުމެއް ކުރިއިރު، އޭނާ އަމީން އެވެނިއުއިން ޕެންޓް ހައުސް އެއް ގަތް މައްސަލަ ވެސް އަންނަނީ ބަލަމުންނެވެ. އަދި އޭނާގެ ކޮރަޕްޝަންގެ މައްސަލަތަކަކާއި ފައިސާގެ އިތުރު މައްސަލަތަކެއް ވެސް އެބަހުއްޓެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %