ފޮޓޯ: އުރީދޫ
ޕޭޕަލްގެ ޚިދުމަތް ރާއްޖެއަށް ތަޢާރަފްކުރުމަށް އޫރިދޫއިން ތައްޔާރުވަނީ
Read Time:3 Minute, 15 Second
ރާއްޖޭގެ ޑިޖިޓަލް ފައިނޭންޝަލް ޚިދުމަތްތަކަށް އިންޤިލާބީ ބަދަލެއް ގެނައުމުގެ މަޤްޞަދުގައި، އޫރިދޫ ފިންޓެކްއާއި ދުނިޔޭގެ މަޝްހޫރު އޮންލައިން ޕޭމަންޓް ޕްލެޓްފޯމް ޕޭޕަލް ގުޅިގެން، ރާއްޖޭގައި ޕޭޕަލްގެ ޚިދުމަތްތައް ރަސްމީކޮށް ތަޢާރަފްކުރުމަށް ތައްޔާރުވެއްޖެއެވެ.
އެތައް ދުވަހެއްގެ އިންތިޒާރަކަށް ފަހު، މި ބައިވެރިވުމުގެ ސަބަބުން ދިވެހި ރައްޔިތުންނަށް ގްލޯބަލް ޝޮޕިންގްގައި ފަސޭހަތަކެއް ލިބިގެންދާނެއެވެ. އެގޮތުން، ޕޭޕަލް އެކައުންޓްތަކާއި އޫރިދޫގެ އެމް-ފައިސާ އެކައުންޓްތަކުގެ މެދުގައި ފައިސާ ފޮނުވައި ނެގުމުގެ ޚިދުމަތްވެސް ލިބިގެންދާނެއެވެ. އެންމެ މުހިންމު ކަމަކީ، ދިވެހި ވިޔަފާރިތަކަށް ބައިނަލްއަޤްވާމީ ފެންވަރުގައި އެމީހުންގެ އުފެއްދުންތައް ވިއްކުމުގެ ފުރުސަތު މި ޕާޓްނަރޝިޕްގެ ސަބަބުން ފަހިވެގެންދާނެ ކަމެވެ.
އިޤްތިޞާދީ ތަރައްޤީއާއި ވިޔަފާރީގެ ވުޒާރާއިން ވިދާޅުވެފައިވަނީ، މި ބަދަލުގެ ސަބަބުން ޤައުމުގެ ފައިނޭންޝަލް ނިޒާމު އިތުރަށް ހަރުދަނާވެ، ފްރީލާންސަރުންނާއި، ކޮންޓެންޓް ކްރިއޭޓަރުންނާއި، ވިޔަފާރިވެރިންނަށް ގިނަ އަގުހުރި ފުރުސަތުތަކެއް ހުޅުވިގެންދާނެ ކަމަށެވެ.
އިޤްތިޞާދީ ތަރައްޤީއާއި ވިޔަފާރީގެ ވަޒީރު މުޙައްމަދު ސަޢީދު ވިދާޅުވީ، މިއީ ދިވެހި ރައްޔިތުންނަށް ދުނިޔޭގެ ބާޒާރާ ގުޅުވައިދޭނެ، އިންޤިލާބީ ބޮޑު ކުރިއެރުމެއް ކަމަށެވެ. އަދި، ރާއްޖެއަށް ދުނިޔޭގެ ފެންވަރުގެ ޑިޖިޓަލް ޕޭމަންޓް ޕްލެޓްފޯމްތައް ގެނައުމަށް ރައީސުލްޖުމްހޫރިއްޔާ ވެވަޑައިގެންނެވި ވައުދު ފުއްދައިދިނުމުގެ މުހިންމު ފިޔަވަޅެއްކަންވެސް ވަޒީރު ފާހަގަކުރެއްވިއެވެ. މި ޚިދުމަތުގެ ސަބަބުން ދިވެހިރާއްޖޭގެ ޑިޖިޓަލް ޓްރާންސްފޯމޭޝަންގެ މަސައްކަތަށް އިތުރު ބާރެއް ލިބިގެންދާނެ ކަމަށް ލަފާކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %