ފޮޓޯ: ޕޮލިސް
ސިނގިރޭޓް ކޮންޓެއިނަރު ވަގަށް ނެގި މައްސަލައިގައި 4 މީހުން ހައްޔަރުކޮށްފި
Read Time:2 Minute, 45 Second
މޯލްޑިވްސް ކަސްޓަމްސް ސަރވިސްއިން އަތުލައިގަތް ސިނގިރޭޓް ހުރި ދެ ކޮންޓެއިނަރު ވަގަށްނެގި ކަމަށް ތުހުމަތުކުރެވޭ ހަތަރު މީހަކު ހައްޔަރުކުރުމަށް ކްރިމިނަލް ކޯޓުން އަމުރުކޮށްފިއެވެ.
ކަސްޓަމްސް އަތުލައިގަތުމަށްފަހު، އޭޕްރީލް 26 ވަނަ ދުވަހު މި ކޮންޓެއިނަރުތައް މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ބެލުމުމުގެ ދަށުގައި ހުއްޓާ ވަގަށް ނަގާފައިވަނީ ހުޅުމާލެ ޕޯޓުންނެވެ.
މި މައްސަލައިގައި ހައްޔަރުކޮށްފައިވަނީ:
- މއ.އެވަރގްލޯރީ، ކ.މާލެ / އަހުމަދު އާރިފް (61އ)
- ދިގަލި، ބ.އޭދަފުށީ / މުހައްމަދު ވަހީދު (65އ)
- ހ.ނިއު ހެޕިނެސް، މާލެ / މުއާޒު އަލީ (48އ)
- މެދުރީގެ، ހދ. ވައިކަރަދޫ / ޒިވާރު އިސްމާއިލް (40އ)
މި މައްސަލައާ ގުޅިގެން ހައްޔަރުކުރި މީހުންގެ ތެރެއިން އަހުމަދު އާރިފް އާއި ޒިވާރު އިސްމާއިލް ވަނީ 15 ދުވަހަށް ބަންދުކުރުމަށް ކޯޓުން އަމުރުކޮށްފައެވެ. މުޙައްމަދު ވަހީދު 10 ދުވަހަށް ބަންދުކުރުމަށް އަދި މުޢާޒް އަލީ ފަސް ދުވަހަށް ބަންދުކުރުމަށް ވަނީ އަމުރުކޮށްފައެވެ.
ފުލުހުން ހާމަކޮށްފައިވާ ގޮތުގައި ހައްޔަރުކުރި ހަތަރު މީހުންގެ ތެރޭގައި ދެ ވިޔަފާރިވެރިއަކާއި ކަސްޓަމްސްގެ އިސް މަގާމެއްގައި ހުރި މީހެއް ހިމެނެއެވެ. މީގެ އިތުރުން މި މައްސަލައާ ގުޅިގެން 12 މީހެއް ރާއްޖެއިން ފުރުން މަނާކުރުމަށް ކޯޓުން ވަނީ އަމުރުކޮށްފައެވެ. އަދި ބައެއް ވެހިކަލްތަކާއި އިމާރާތްތައް ބަލައިފާސްކުރުމުގެ އޮޕަރޭޝަންތައްވެސް ވަނީ ހިންގާފައެވެ. މި މައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ބުނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %