އެއާޕޯޓު ވައްކަން: ހަތަރު މީހަކު ހައްޔަރުކޮށް، ފިލަން ބޭނުންކުރި ލޯންޗު ހޯދައިފި
Read Time:2 Minute, 14 Second
ވެލާނާ އިންޓަރނޭޝަނަލް އެއާޕޯޓުން، ބޭންކް އޮފް މޯލްޑިވްސް (ބީއެމްއެލް) ގެ ދެ މުވައްޒަފެއްގެ އަތުން ގާތްގަނޑަކަށް 100،000 އެމެރިކާ ޑޮލަރު ފޭރުމުގެ މައްސަލައިގައި ހަތަރު މީހަކު ހައްޔަރުކޮށް، ފޭރުމަށް ބޭނުންކުރި ސްޕީޑްބޯޓު ފުލުހުންގެ ބެލުމުގެ ދަށަށް ގެނެސްފި އެވެ.
މި ހާދިސާ ހިނގާފައިވަނީ ހޯމަ ދުވަހުގެ ފަތިހު 4:45 ހާއިރު، އެއާޕޯޓުގެ އާ އިންޓަރނޭޝަނަލް ޓާމިނަލް ކައިރިންނެވެ.
މޫނު ފޮރުވައިގެން ތިބި ބަޔަކު ބީއެމްއެލްގެ މުވައްޒަފުންގެ އަތުން، ފައިސާ ހުރި ކަމަށް ބެލެވޭ ސޫޓް ކޭހެއް ފޭރުމަށްފަހު، ވަނީ ސްޕީޑްބޯޓެއްގައި ފިލާފައެވެ.
ފުލުހުން މިހާރު ވަނީ ތުހުމަތުކުރެވޭ ހަތަރު މީހަކު ހައްޔަރުކޮށް، ފޭރުމަށް ބޭނުންކުރި ސްޕީޑްބޯޓު ހޯދާފައެވެ.
ހަބަރު ލިބިފައިވާ ގޮތުގައި ބީއެމްއެލްގެ ދެ ސްޓާފުން ހިފައިގެން ދިޔަ ސޫޓް ކޭހަކީ ފުރާ މީހުންނަަށް ޑޮލަރު މާރުކުރުމަށް ހުންނަ ކައުންޓަރުގެ ބޭނުމަށް ގެންދިޔަ ފައިސާ ހުރި ސޫޓް ކޭހެވެ.
މި ހާދިސާއާއެކު އެއާޕޯޓުގެ ސެކިއުރިޓީއާއި ފައިސާ ބަދަލުކުރާ ގޮތާ މެދު ސީރިއަސް ކަންބޮޑުވުންތަކެއް ވަނީ އުފެދިފައެވެ. ގައުމުގެ މައި ދޮރޯށީގައި ސަލާމަތީ ފިޔަވަޅުތައް ވަރުގަދަ ކުރުމަށް ގޮވާލުންތައް ވަނީ އިތުރުވެފައެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %