މާލެ ސަރަހައްދުން 15000 ގޯތި އަދި 7000 ފްލެޓް ދޭން ރައީސް ނިންމަވައިފި
Read Time:2 Minute, 12 Second
މާލެ ސަރަހައްދުން 15،000 ގޯއްޗާއި 7000 ފްލެޓް ދޫކުރުމަށް ކުރިމަތިލާން ވަރަށް އަވަހަށް ހުޅުވާލާނެކަމަށް ރައީސުލްޖުމްހޫރިއްޔާ ޑރ މުހައްމަދު މުއިއްޒު ވިދާޅުވެއްޖެއެވެ.
ބޯހިޔާވަހިކަމަށް ބޭނުންވެފައިވާ ހުރިހާ ފަރާތްތަކަށް ބޯހިޔާވަހިކަން ހޯދައިދިނުމުގެ ގޮތުން މާލެ އާއި މާލެ ސަރަހައްދުގައި ދިރިއުޅޭ ރައްޔިތުންނަށް ގޯއްޗާއި ފްލެޓް ދޫކުރުމަށް ނިންމާފައިވާކަން ރައީސް ވަނީ އިއުލާންކުރައްވާފައެވެ.
ރަސްމާލެ ހިއްކުމުގެ ސްޕީޑް ތިން ގުނަ އަވަސް ވާނެ ކަމަށް ވިދާޅުވެ، ރައީސް ވިދާޅުވީ މި މަޝްރޫޢަކީ މާލެ ސަރަޙައްދުގެ ބޯހިޔާވަހިކަމުގެ މައްސަލައަށް ދާއިމީ ޙައްލު ގެނުވާނެ މަސައްކަތެއްކަމަށެވެ. އަދި ކުރިއަށް އޮތް 5 މަސްތެރޭ އެ ބިމުން 15000 ގޯތި ދެވޭ މިންވަރަށް ހިއްކާނެކަމަށާއި އެ ގޯތިތަކަށް ކުރިމަތިލުމަށް ވަރަށް އަވަހަށް ހުޅުވާލާނެކަމަށް ރައީސް ވިދާޅުވިއެވެ.
ރައީސް ވިދާޅުވީ ގޯތި ދޫކުރާނީ ”އާއިލީ ބޯހިޔާވަހިކަން“ގެ ކޮންސެޕްޓް ދަށުން ކަމަށެވެ. އެގޮތުން އެންމެ ފުރަތަމަ ހުޅުވާލާނީ މާލޭގެ ރައްޔިތުންނާއި މާލެ ސަރަޙައްދުގައި ދިގު މުއްދަތަކަށް ދިރިއުޅެފައިވާ މީހުންނަށް ޚާއްސަ ކެޓަގަރީތަކުންކަމަށް ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %