ހަނގުރާމަ ހުއްޓާލުމަށް ނިންމާފައިވާއިރު ވެސް އިސްރާއީލުން ޣައްޒާއަށް ހަމަލާދެނީ
Read Time:2 Minute, 23 Second
އިސްރާއީލުގެ ވައިގެ ހަމަލާތައް ޣައްޒާގެ މެދުތެރޭގައި އޮންނަ މަޣާޒީ ރެފިއުޖީ ކޭމްޕަށް އަރައިފިއެވެ. މީގެ ކުރިން އިސްރާއީލު ސިފައިން ވަނީ ޣައްޒާގެ އުތުރުގައި ފަލަސްތީނުގެ ހަތް މީހަކު މަރާލާފައެވެ. އޭގެ ތެރޭގައި އުމުރުން 70 އަހަރުގެ އަންހެނަކާއި އޭނާގެ ދަރިފުޅު ހިމެނެއެވެ.
ގަތަރުގެ ބޮޑުވަޒީރު ވިދާޅުވީ ހަނގުރާމަ ހުއްޓާލުމުގެ މަރުހަލާ އޮތީ ”މުހިންމު ދަނޑިވަޅެއްގައި“ ކަމަށެވެ. ދިގު މުއްދަތުގެ ސުލްހައިގެ އެއްބަސްވުމަކަށް އަވަސް ކުރިއެރުމެއް ނުލިބިއްޖެ ނަމަ ވަގުތީ ހަމަޖެހުން ފުނޑުފުނޑުވެދާނެ ކަމުގެ އިންޒާރު އޭނާ ދެއްވި އެވެ.
ސީރިއާގެ ރައީސް އަހުމަދު އަލް ޝަރާ ވަނީ އިސްރާއީލުން އެ ސަރަހައްދުގައި އިތުރު ޓެންޝަން އުފައްދާ ކަމަށް ތުހުމަތު ކުރައްވާފަ އެވެ. އޭނާ ވިދާޅުވީ މިއީ ޣައްޒާގައި ހިނގަމުންދާ ”ބިރުވެރި ޤަތުލުއާންމުން“ ދުނިޔޭގެ ސަމާލުކަން ނަގާލުމުށް ކުރަމުންދާ ކަމެއްގެގޮތުގައެވެ.
2023 ވަނަ އަހަރުގެ އޮކްޓޯބަރު މަހުން ފެށިގެން އިސްރާއީލުން ޣައްޒާއާ ދެކޮޅަށް ކުރި ހަނގުރާމައިގައި ފަލަސްތީނުގެ 70،354 މީހުން މަރުވެ، 171،030 މީހުން ޒަޚަމްވެފައިވެއެވެ. 2023 ވަނަ އަހަރުގެ އޮކްޓޯބަރު މަހުގެ ހަތް ވަނަ ދުވަހު އިސްރާއީލަށް ދިން ހަމަލާތަކުގައި 1،139 މީހުން މަރުވެ ގާތްގަނޑަކަށް 200 މީހުން އަޅުވެތިކޮށްފައިވެ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %