މިއަހަރު ތެރޭގައި އައިޖީއެމްއެޗްގައި އާޙިދުމަތްތަކެއް ފަށަން ނިންމައިފި
Read Time:2 Minute, 37 Second
ރައްޔިތުންގެ މަޖިލީހުގައި 02 ޖުލައި 2025 ވަނަ ދުވަހު ބޭއްވި ބައްދަލުވުމެއްގައި އަޖީއެމްއެޗްގެ ސީއީއޯ ޑރ. ޝާހު މާހިރު ވަނީ މިއަހަރު ތެރޭގައި އަޖީއެމްއެޗްގައި އާޙިދުމަތް ތަކެއް ފަށާނެކަމަށް ވިދާޅުވެފައެވެ. އެގޮތުން ސަރުކާރުގެ މައި ހޮސްޕިޓަލުގެ ޖާގަ ބޮޑުކޮށް، ކުޑަކުދިންނަށް ހާއްސަކޮށް އިމެޖެންސީ ރޫމްއެއް ހެދުމަށް ހަމަޖެހިފައިވާކަމަށް އަޖީއެމްއެޗްގެ ސީއީއޯ ޑރ. ޝާހު މާހިރު ވަނީ ވިދާޅުވެފައެވެ.
ހޮސްޕިޓަލްގެ ޖާގަ ބޮޑުކުރުމުގެ ގޮތުން 75 އެނދުގެ އިތުރުން 15 ޕްރައިވެޓް ރޫމް އިތުރުކޮށް ބޭނުން ކުރެވެމުން އަންނަކަމަށް ވަނީ ވިދާޅުވެފައެވެ. އެގޮތުން އެނދު އިތުރުކުރުމާ އެކު، ހިދުމަތުގެ ފެންވަރު ރަނގަޅު ކުރަން ވޯޑުތައް މަރާމާތުކުރުމާއި އެތަނުގެ ފިނިހޫނުމިން ރަނގަޅުކޮށް ބަލި މީހުން ބޭނުންކުރާ އެނދުތައް ރަނގަޅު ކުރެވިފައިވާ ކަމަށް ވަސް ވިދާޅުވިއެވެ.
އަދި މީގެ އިތުރުން އައިޖީއެމްއެޗްއިން އަންނަނީ މިއަހަރު ތެރޭގައި ކާޑިއޮތޮރެސިކް ސާޖަރީ އާއި އުމުރުން ދުވަސްވީ މީހުންނަށް ހާއްސަ ފަރުވާ އަދި އިންޓަވެންޝަނަލް ރޭޑިއޮލޮޖީ ފެށުމަށްވެސް ތައްޔާރުވަމުންނެވެ. މިއާއެކު ރާއްޖެ އަށް މުޅިން އަލަށް ތައާރަފްކުރާ ސްޕެޝަލިޓީއެއް ކަމަށްވާ އިންޓަވެންޝަނަލް ރޭޑިއޮލޮޖީގެ ޙިދުމަތް ލިބިގެންދާނެއެވެ. އިންޓަވެންޝަނަލް ރޭޑިއޮލޮޖީގެ ހިދުމަތް ފެށުމުން ޓެސްޓުތަކުގެ އެހީގައި ބަލިތައް ދެނެގަނެ، ގިނަ ޕްރޮސީޖާތައް ހެދޭނެއެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %