ސްޕެއިންގައި ހިނގި ކާރު އެކްސިޑެންޓެއްގައި ލިވަޕޫލްގެ ޒުވާން ކުޅުންތެރިޔާ ޑިއޯގޯ ޖޮޓާ މަރުވެއްޖެ.
Read Time:3 Minute, 14 Second
ޒަމޯރާ ހުންނަ ކެސްޓިލް އެންޑް ލިއޯން ސަރަހައްދުގެ ފަޔާ ޑިޕާޓްމަންޓުން އެ އިދާރާގެ ވެބްސައިޓުގައި ރިޕޯޓްކޮށްފައިވާ ގޮތުގައި ބުރާސްފަތި ދުވަހުގެ ރޭ ދަންވަރުގެ ވަގުތެއްގައި ވެހިކަލެއް ވެއްޓި އަލިފާން ރޯވެ އުމުރުން 28 އަހަރާއި 26 އަހަރުގެ ދެ ފިރިހެނުން ވަނީ މަރުވެފަ އެވެ.
ޕޯޗުގަލްގެ ޕަބްލިކް ބްރޯޑްކާސްޓަރު ޓީވީއީއިން ރިޕޯޓްކޮށްފައިވާ ގޮތުގައި އުމުރުން 28 އަހަރުގެ ޖޯޓާ އޭނާގެ ކޮއްކޮ އުމުރުން 26 އަހަރުގެ އަންދްރޭއާއެކު ކާރެއްގައި ދަތުރު ކުރަމުން ދަނިކޮށް ވެހިކަލް ކަހާލައިގެން ވެއްޓި، ވަރަށް ބޮޑަށް އަލިފާންރޯވި ކަމަށް މަންޒަރު ދުށް މީހުން ބުނެ އެވެ.
ޖޮޓާ އޭނާގެ ޒަމާންވީ ލޯބިވެރިޔާއާ ކައިވެނިކުރީ މިދިޔަ ހަފުތާގަ އެވެ. އޭނާގެ 3 ކުދިން ތިބެ އެވެ.
ޑިއޯގޯ ޖޮޓާ ލިވަޕޫލާ ގުޅުނީ 45 މިލިއަން ބްރިޓިޝް ޕައުންޑް (61.5 މިލިއަން ޑޮލަރާ އެއްވަރު) ގެ ފީއަކަށް ވޮލްވާހެމްޕްޓަން ވޮންޑާސް އިން ނެވެ. އޭނާ ވަނީ ލިވަޕޫލަށް ޖުމްލަ 182 މެޗު ކުޅެދީ 65 ލަނޑު ކާމިޔާބުކޮށް 22 އެސިސްޓް ދީފަ އެވެ. ޖޯޓާ ވަނީ ޕޯޗުގަލް އަށް 49 ފަހަރު ކުޅެދީ ޔުއެފާ ނޭޝަންސް ލީގު ދެ ފަހަރު ކާމިޔާބުކޮށްފަ އެވެ.
”ޕޯޗުގަލްގެ ނަމަށް ވަރަށް ބޮޑަށް އިހުތިރާމް ކުރި އެތުލީޓެއް ކަމަށްވާ ޑިއޯގޯ ޖޮޓާ އާއި އޭނާގެ ކޮއްކޮ މަރުވި ޚަބަރަކީ ހީވެސް ނުކުރާ ފަދަ ހިތާމަވެރި ހަބަރެކެވެ. އަދި އެބޭފުޅުންގެ ޢާއިލާއަށް ވަރަށް އިޚްލާޞްތެރިކަމާއެކު ތަޢުޒިޔާ ދަންނަވަން. މިއީ ފުޓްބޯޅައަށާއި ގައުމީ އަދި ބައިނަލްއަގުވާމީ ކުޅިވަރުތަކަށް ވަރަށް ހިތާމަވެރި ދުވަހެއް،“ މޮންޓެނީގްރޯ ބުނެފައިވެއެވެ.
ޕޯޗުގަލްގެ ބޮޑުވަޒީރު ލުއިސް މޮންޓެނީގްރޯ ވަނީ ބުރާސްފަތި ދުވަހު ސޯޝަލް މީޑިއާ ޕްލެޓްފޯމް އެކްސްގައި ހިއްސާކުރި ޕޯސްޓެއްގައި ޖޯޓާ މަރުވިކަން ކަށަވަރުކޮށްދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %