ސައުދީން ރާއްޖެއަށް ކަނޑައެޅުއްވި އައު ސަފީރު ރައީސް އަށް ފަތްކޮޅު އަރުވައިފި
Read Time:2 Minute, 29 Second
ސައުދީ އަރަބިއްޔާ ސަރުކާރުން ދިވެހިރާއްޖެއަށް ކަނޑައެޅުއްވި އައު ސަފީރު، ޔަހްޔާ ހަސަން އަލްގަތާނީ، އޭނާގެ ސަފީރުކަމުގެ ފަތްކޮޅު ރައީސުލްޖުމްހޫރިއްޔާ ޑރ. މުހައްމަދު މުއިއްޒުއަށް އަރުވައިފި އެވެ.
ސަފީރު ކަމުގެ ފަތްކޮޅު އެރުވީ މިއަދު ހެދުނު ރައީސް އޮފީހުގައި ބޭއްވި ހާއްސަ ރަސްމިއްޔާތެއްގައެވެ. މި ރަސްމިއްޔާތުގައި ސަފީރުކަމުގެ ފަތްކޮޅު ރައީސުލްޖުމްހޫރިއްޔާއަށް އެރުވުމުން ރައީސުލްޖުމްހޫރިއްޔާ ވަނީ އައު ސަފީރަށް ތަހުނިޔާ ވިދާޅުވެ، މަރުހަބާ ދަންނަވާފައެވެ.
މި ރަސްމިއްޔާތަށް ރައީސް އޮފީހާ ހަމައަށް ސަފީރު ވަޑައިގެންނެވީ ރަސްމީ އިއްޒަތުގައެވެ.
ފަތްކޮޅު އެރުއްވުމަށްފަހު އައު ސަފީރާ ރައީސް މުއިއްޒު ވަނީ ދެގައުމުގެ ގުޅުން އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން މަޝްވަރާކުރެއްވައި، ރާއްޖެއަށް ދެއްވާ އެހީ ތަކަށް ސައުދީގެ ރަސްގެފާނު، ސަލްމާން ބިން އަބަދުލްއަޒީޒް އަލް ސުއޫދަށާއި ވަލީއަހްދަށާއި އަދި ބޮޑުވަޒީރު މުހައްމަދު ބިން ސަލްމާން ބިން އަބްދުލްއަޒީޒް އަލް ސުއޫދަށް ޝުކުރު އަދާކުރައްވާފައެވެ.
މި ބައްދަލުވުން ނިންމަވާލެއްވީ ދެ ގައުމުގެ ގުޅުން އިތުރަށް ވަރުގަދަ ކުރުމަށް މަސައްކަތް ކުރައްވާނެ ކަމުގެ ޔަގީންކަން ދެއްވައި، ސައުދީއަށް ރާއްޖެއިން ފުރިހަމަ އެއްބާރުލުން ދޭނެ ކަމުގެ ޔަގީންކަން ދެއްވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %