PM in a family photograph with BRICS Members during the 17th BRICS Summit at Rio de Janeiro, in Brazil on July 06, 2025.
އީރާނަށް ދިން ހަމަލާތަކާއި، ޣައްޒާގެ ހަމަނުޖެހުންތަކާއި، ޓްރަމްޕްގެ ޓެރިފްތައް ބްރިކްސްއިން ކުށްވެރިކޮށްފި
Read Time:3 Minute, 35 Second
ބްރިކްސްގެ ލީޑަރުން ވަނީ މިދިޔަ ޖޫން މަހު ބޭއްވި ސަމިޓްގައި އެމެރިކާ އާއި އިސްރާއީލުން އީރާނަށް ދިން ހަމަލާތަކަށް ވަރަށް ބޮޑަށް ފާޑު ވިދާޅުވެ، އެއީ ބައިނަލްއަގުވާމީ ގާނޫނުތަކާ ކަނޑައެޅިގެން ހިލާފު ހަމަލާތަކެއް ކަމަށް ސިފަކޮށްފައެވެ. އަދި އެގައުމުތަކުން ވަނީ ފަލަސްތީނުގެ ދައުލަތެއް އުފެއްދުމަށް ތާއީދު ކުރާ ކަމަށް ވިދާޅުވެފައެވެ.
ބްރެޒިލްގެ ރިއޯ ޑި ޖެނީރޯގައި ބޭއްވި ސަމިޓަށް ފަހު އާދީއްތަ ދުވަހު ނެރުނު ޖޮއިންޓް ބަޔާނުގައި، ޔޫކްރެއިން ރަޝިޔާގެ ސަރަހައްދަށް ދިން ހަމަލާތައް ކުށްވެރިކޮށްފައިވެއެވެ.
އެމެރިކާއާ އެކު ވިޔަފާރީގެ ހަމަނުޖެހުންތައް އިތުރުވަމުންދާ ދަނޑިވަޅެއްގައި ޝާއިއުކޮށްފައިވާ މިބަޔާނުގައި ވަނީ އެމެރިކާގެ ރައީސް ޑޮނަލްޑް ޓްރަމްޕްގެ ހަރުކަށި އިގްތިސާދީ ސްޓްރެޓެޖީތަކަށް ވަރަށް ބޮޑަށް ފާޑުވިދާޅުވެފައެވެ. އަދި ބްރިކްސްގެ ގާތްގަނޑަކަށް 10 މެމްބަރު ގައުމަކުން ވެސް މިހާރު ދަނީ އެމެރިކާއާ އެކު ވިޔަފާރީގެ މަޝްވަރާތަކުގައި ބައިވެރިވެ، އިތުރު ނުތަނަވަސްކަން ނުއުފެދޭނެހެން އެ މީހުންގެ ސްޓޭންޑްތައް ހަރުދަނާ ކުރުމަށް މަސައްކަތް ކުރަމުންނެވެ. ބްރިކްސްގެ ބަޔާނުގައި ވަނީ އެމެރިކާއިން ދުނިޔޭގެ ވިޔަފާރީގެ މުއާމަލާތްތައް އޮޅުވާލައި، ޑަބްލިއުޓީއޯ [ވޯލްޑް ޓްރޭޑް އޯގަނައިޒޭޝަން] ގެ ގަވާއިދުތަކާ ހިލާފުވެފައިވާތީ އެކަން ފާހަގަކޮށްފައެވެ.
ބްރެޒިލް، ރަޝިއާ، އިންޑިއާ އަދި ޗައިނާގެ ލީޑަރުން އެއްތަނަކަށް ގެނެސް ފުރަތަމަ ބްރިކްސް ސަމިޓް ބާއްވާފައިވަނީ 2009 ވަނަ އަހަރު އެވެ. 2010 ވަނަ އަހަރު ސައުތު އެފްރިކާ ގެ މެމްބަރަކަށް ވެފައިވާއިރު، އޭގެ ފަހުން އެ ޖަމާއަތަކީ ގްލޯބަލް ސައުތުގެ މުހިންމު މަންދޫބެއްގެ ގޮތުގައި ވެފައިވެއެވެ.
ނިމިދިޔަ އަހަރު އިންޑޮނޭޝިއާ، މިސްރު، އިތިއޯޕިއާ، އީރާން އަދި ޔުނައިޓެޑް އަރަބް އެމިރޭޓްސް އެ ޖަމިއްޔާގެ ބައިވެރިއަކަށްވެ، އެޖަމާއަތުގެ ނުފޫޒު އިތުރުކޮށް އެޖަމާއަތް 10 ގައުމެއްގެ އިއްތިހާދަކަށް ބަދަލުކުރި އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %