ލިޔުންތެރީން ވާންޖެހޭނީ ދީނާއި ގައުމާއި ވަތަނުގެ ދިފާއުގައި މަތިވެރި ޖިހާދެއް ކުރާ ބަޔަކަށް: ރައީސް
Read Time:3 Minute, 40 Second
ލިޔުންތެރީން ވާންޖެހޭނީ، އަމިއްލަ ދީނާއި އަމިއްލަ ގައުމާއި އަމިއްލަ ވަތަނުގެ ދިފާއުގައި އަދި އަމިއްލަ ގައުމަށް ކުރިއެރުން ހޯދައިދިނުމުގެ އަޒުމުގައި މަތިވެރި ޖިހާދެއް ކުރާ ބަޔަކަށް ކަމުގައި ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ވިދާޅުވެއްޖެއެވެ.
މިއަދު ފާހަގަކުރަމުންދާ، ދިވެހިރާއްޖޭގެ ލިޔުންތެރީންގެ ދުވަހުގެ މުނާސަބަތުގައި ދެއްވި ހިތާބުގައި ރައީސް މުއިއްޒު ވަނީ ލިޔުންތެރިންގެ މުހިންމު ކަމާއި، ލިޔުންތެރިންގެ ޒިންމާ ވަރަށް ބޮޑަށް ފާހަގަ ކުރައްވާފައެވެ.
އެގޮތުން އިންސާނާ ކޮންމެ ދުވަހަކު ކުރަންޖެހޭ ކަމެއްގެ ގޮތުގައި އޮންނަ އެއްކަމަކީ އިސްލާހު ކުރުން ކަމަށާއި، މިގޮތުން ކުރެވޭ އެއްކަމަކީ ލިޔުން ކަމަށް އެމަނިކުފާނުވަނީ ވިދާޅުވެފައެވެ. އަދި އިންސާނުންގެ ނަފުސުތަކާއި، މުޖުތަމައާއި، ގައުމާއި ދުނިޔެ އިސްލާހުކުރުމަށްޓަކައި އެކި މައުލޫތަކުގައި ލިޔެ އިލްމު ފެތުރުމުކީ ލިޔުންތެރިންގެ ވަރަށް ބޮޑު ޒިންމާއެއް ކަމަށް އެމަނިކުފާން ފާހަފަކޮށްފައި ވެއެވެ.
އެމަނިކުފާނު ވިދާޅުވެފައި ވަނީ، 1933 ވަނަ އަހަރުގެ ޖުލައި 8 ގައި ރާއްޖޭގައި އުފެއްދި ފުރަތަމަ މަޖައްލާގެ ނަމަކީ ”އަލްއިސްލާހު“ ކަމަށާއި، އެ މަޖައްލާގެ މަގްސަދަކީ ގައުމުގެ އެކި ކަންކަން އިސްލާހު ކުރުން ކަމަށެވެ. އަދި މި ލިޔުންތެރިކަމުގައި މިއެޅުނު ބިންގަލުގެ މައްޗަށް ދިވެހި އިމާރާތް އުފުލުން އަބަދުވެސް އޮންނާނީ ކުރިޔަށް ކަމަށް ރައީސް ވިދާޅުވިއެވެ.
މި ހިތާބުގައި ރައީސް ވަނީ ލިޔުންތެރީންގެ ދައުރެއް ނެތް ދާއިރާއެއް ގައުމެއްގައި ނިސްބަތުން ނޯންނަކަން ފާހަގަކުރައްވައި، ދިވެހި ގައުމު ބިނާކުރުމުގައި، ލިޔުންތެރީން އެކި ދާއިރާތަކުން މުހިންމު ހިދުމަތްތައް ކުރައްވާފައިވާކަން ފާހަގަކުރައްވާފައެވެ.
ކޮންމެ އަހަރެއްގެ ވެސް ޖުލައި މަހުގެ 8 ވަނަ ދުވަސް ފާހަގަކުރަނީ ދިވެހިރާއްޖޭގެ ލިޔުންތެރީންގެ ދުވަހުގެ ގޮތުގައެވެ. ދިވެހިރާއްޖޭގެ ލިޔުންތެރީންގެ ދުވަހުގެ މި އަހަރުގެ ޝިއާރަކީ ”ލިޔާށެވެ. މަގުދައްކާށެވެ.“ މިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %