އިސްތަށީގައި ކަޅު ކުލަ ޖެއްސުން ހުއްދަ: ފަތުވާ މަޖިލިސް
Read Time:2 Minute, 29 Second
އިސްތަށިގަނޑުގައި ކަޅު ކުލަ ޖެއްސުމަކީ ހުއްދަ ކަމެއް ކަމަށް ރާއްޖޭގެ އިސްލާމީ ފަތުވާދޭ އެންމެ މަތީ މަޖިލީހުން ނިންމައިފި އެވެ.
ފަތުވާ މަޖިލިސް އިން ނެރުނު ފަތުވާގައި ބުނެފައިވަނީ އިސްތަށިގަނޑުގައި ކަޅު ކުލަ ޖެއްސުމާ ގުޅޭ ގޮތުން ދީނީ އިލްމުވެރިންގެ މެދުގައި ދެ ރައުޔެއް އޮންނަ ކަމަށެވެ. އެއީ ހަރާމް ކަމެއް ކަމަށް ބުނާ ރައުޔާއި އެއީ ހުއްދަ ކަމެއް ކަމަށް ބުނާ ރައުޔެވެ.
މި ފަތުވާގައި ބުނެފައިވަނީ މި ދެ ރައުޔުވެސް ބިނާވެފައިވަނީ ދަލީލުތަކުގެ މައްޗަށް ކަމަށާއި، އިލްމުވެރިން ނެރުއްވި ހުކުމްތައް ގުޅިފައިވަނީ އެބޭފުޅުންގެ އިޖުތިހާދާ ކަމަށެވެ. އެހެން ކަމުން މިއީ އިޖުތިހާދީ މައްސަލައަކަށް ވާތީ ދެ ރައުޔުވެސް އިލްމުވެރިން ގަބޫލު ކުރައްވާ ކަމަށް ފަތުވާގައިވެ އެވެ.
ނަމަވެސް އިސްތަށިގަނޑުގައި ކަޅު ކުލަ ޖެއްސުން ހުއްދަ ކަމަށް ވިދާޅުވާ އިލްމުވެރިންގެ ދަލީލުތައް ބާރުގަދަ ކަމަށް މި ފަތުވާގައި ބުނެފައިވެއެވެ. އަދި އެހެންކަމުން އިސްތަށިގަނޑުގައި ކަޅުކުލަ ޖެއްސުމަކީ ހުއްދަ ކަމެއް ކަމަށް ފަތުވާ މަޖިލީހަށް ބުރަވެވޭ ކަމަށް ވެސް މި ފަތުވާގައި ވެއެވެ.
ދިވެހިންގެ ތެރެއިން ގިނަ ބަޔަކު ދެކޭގޮތުގައި ނުރަ ޖެހުމަށް ފަހު އިސްތަށީގައި ކަޅުކުލަ ޖެއްސުމަކީ ދީނީ ގޮތުން ހަރާމް ކަމެކެވެ. ގިނަ މީހުން ނުރަ ޖެހުމާއެކު ބޮލުގައި ޖައްސަނި ކަޅުކުލަ ނޫން އެހެން ކުލަތަކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %