މިހާރު ސޮއިކޮށްފައިވާ ބިންވެރިޔާ ސްކީމްގެ އެއްބަސްވުން ބަދަލުނުކުރަން ނިންމައިފި
Read Time:2 Minute, 39 Second
މިހާރު ސޮއިކޮށްފައިވާ ބިންވެރިޔާ ސްކީމްގެ އެއްބަސްވުމަށް ބަދަލު ނުގެނެސް، އައު ރަޖިސްޓްރީ ހަވާލުކުރަން ހައުސިންގ މިނިސްޓްރީން ނިންމައިފިއެވެ.
ހައުސިންގ މިނިސްޓްރީން މިރޭ ނެރުނު އިއުލާނެއްގައި ބުނެފައި ވަނީ، މިގޮތަށް މިނިސްޓްރީން ނިންމީ ބިންވެރިޔާ ސްކީމްގެ ދަށުން ހުޅުމާލެއިން ލިބުނު ގިނަ ގޯތިތައް ހަވާލުކުރެވި މިހާރު އިމަރާތްކުރުމުގެ މަސައްކަތް ފެށިފައިވުމާއެކު ގުޅީފަޅުން ގޯތިލިބުނު ފަރާތްތަކާއެކު ސޮއިކޮށްފައިވާ އެއްބަސްވުން އެކަނި އިސްލާހުކޮށްގެން މުޅި މައްސަލައަށް ހައްލެއް ނުލިބޭނެތީ ކަމަށެވެ.
މި އިއުލާނުގައި ބުނެފައިވަނީ، ބިންވެރިޔާ ސްކީމުގެ ދަށުން ގޯތި ދޫކުރުމަށް މިދިޔަ ސަރުކާރުން ހަދާފައިވާ އެއްބަސްވުންތައް ބިމާބެހޭ ގާނޫނުގެ މާއްދާއަކާ ހިލާފު ކަމަށެވެ. ނަމަވެސް ހަމައެކަނި ގުޅީފަޅުން ގޯތި ލިބުނު މީހުންގެ އެއްބަސްވުންތައް އިސްލާހު ގެނެސްގެން އެ މައްސަލަ ހައްލުވާނެ ކަމަށް ގަބޫލު ނުކުރެވޭ ކަމަށް އިއުލާނުގައި ބުނެފައިވެއެވެ.
ހައުސިންގ މިނިސްޓަރ ޑރ. އަބްދުﷲ މުއްތަލިބް ވިދާޅުވެފައިވަނީ ބިންވެރިޔާ ސްކީމްގެ އެއްބަސްވުން އެގޮތަށް ބާއްވާފައި ގޯތި ނަންބަރު ބަދަލުވިކަމުގެ ލިޔުމެއްގައި ދެފަރާތުން ސޮއިކުރުމަށްކަމަށް ނިންމާފައިވާ ކަމަށެވެ. އަދި މިގޮތަށް ނިންމީ އިތުރު ލަސްވުމެއް ނެތި އައު ރަޖިސްޓްރީތައް ހަދައި ގޯތިތައް ހަވާލުކުރުމުގެ ކަންކަން ކުރިއަށްގެންދިޔުމުގެ ގޮތުންކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %