ހުޅުމާލެ އެންސިސް ގުދަނުގައި ރޯވި އަލިފާން ގަނޑު ނިއްވަން އުޅުނު ތިން ފުލުހަކަށް ފަރުވާދެނީ
Read Time:2 Minute, 5 Second
ރޭ ހުޅުމާލޭ އިންޑަސްޓްރިއަލް ޒޯނުގައި ހުންނަ އެންސިސް ގުދަނުގައި ރޯވި އަލިފާންގަނޑު ނިއްވަން އުޅުނު ތިން ފުލުހަކަށް ދުމުގެ އަސަރުކޮށްގެން ފަރުވާދެމުން އަންނަ ކަމަށް ފުލުހުން ބުނެފިއެވެ.
ފުލުހުން ބުނެފައިވަނީ، ރޭ ހުޅުމާލޭގައި ހިނގި އަލިފާނުގެ ހާދިސާ ކޮންޓްރޯލްކުރުމަށް މަސައްކަތްކުރުމުގެ ތެރޭގައި ދުމުގެ އަސަރުކޮށްގެން ހުޅުމާލޭގައި މަސައްކަތްކުރާ ތިން ފުލުހަކު ރެއިން ފެށިގެން ހޮސްޕިޓަލުގައި އެޑްމިޓްކޮށްގެން ފަރުވާދެމުންދާ ކަމަށެވެ. އަދި މިހާރު އެ ތިން ފުލުހުންގެ ހާލު ވެސް ރަނގަޅުވަމުން އަންނަ ކަމަށް ފުލުހުން ބުނެފައިވެއެވެ.
އިއްޔެ ހުޅުމާލެ ފޭސް އެކެއްގައި ހުންނަ އެންސިސް ގުދަނުގައި ރޯވެގެން ރިޕޯޓްކޮށްފައިވަނީ ރޭ 18:48 ހާއިރު އެވެ. . ރިޕޯޓް ލިބުމާއެކު އެމްއެންޑީއެފްގެ ހުޅުމާލޭ ފަޔަރ އެންޑް ރެސްކިއު ސާވިސްއިންވަނީ ވަގުތުން އެ ސަރަހައްދަށް ގޮސް، އަލިފާންގަނޑު ނިއްވާލުމުގެ މަސައްކަތް ފަށާފައެވެ.
މި އަލިފާންގަނޑު ކޮންޓްރޯލް ކުރެވުނީ ދަންވަރު 3 ގެ ފަހުންނެވެ. އަލިފާންގަނޑު ކޮންޓްރޯލް ކުރެވުނު އިރު އެސަރަހައްދުގައި ވަނީ ވަރަށް ދުން ބޯ ވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %