ގުޅީފަޅުން ގޯތި ލިބުނު ފަރާތްތަކުގެ އައު ރަޖިސްޓްރީތައް ހަވާލުކުރަން ފަށައިފި
Read Time:2 Minute, 39 Second
ގުޅީފަޅުން ގޯތި ލިބުނު ފަރާތްތަކަށް ގޯތީގެ ރަޖިސްޓްރީ ހަވާލުކުރަން ފަށައިފިއެވެ.
ގޯތީގެ ރަޖިސްޓްރީ ހަވާލުކުރުމުގެ މަސައްކަތް ފެށީ މިއަދު ހެނދުނު 9:30 ގައެވެ.
އައު ރަޖިސްޓްރީ ހަވާލުކުރުމަށް ނިންމާފައިވަނީ، ކުރިން އިން ލޭންޑް ޔޫޒް ޕްލޭން ބަދަލުކުރުމާއެކު، އަލުން ގުރުވަތު ނަގައި، ކުރިން ރަޖިސްޓްރީ ދޫކުރި ޕްލޮޓްތައް ބަދަލުވުމާއެކުއެވެ.
އަދި އެންމެ ފުރަތަމަ ސަރުކާރުން ނިންމީ ކުރިން ބިންވެރިޔާ ސްކީމުގެ ދަށުން ގޯތި ދޫކުރުމަށް މިދިޔަ ސަރުކާރުން ހަދާފައިވާ އެއްބަސްވުންތައް ބިމާބެހޭ ގާނޫނުގެ މާއްދާއަކާ ހިލާފު ވެފައިވުމާއެކު އެގްރިމެންޓް ބަދަލުކޮށް، އައު އެގްރިމެންޓެއްގައި ވެސް ސޮއި ކުރުވަންށެވެ. އެހެން ނަމަވެސް ހަމައެކަނި ގުޅީފަޅުން ގޯތި ލިބުނު މީހުންގެ އެއްބަސްވުންތައް އިސްލާހު ގެނެސްގެން އެ މައްސަލަ ހައްލުވާނެ ކަމަށް ގަބޫލު ނުކުރެވޭ ކަމަށް ބުނެ، މިނިސްޓްރީން ނިންމީ އެގްރިމެންޓް ބަދަލުނުކޮށް އައު ރަޖިސްޓްރީ ހަވާލުކުރަންށެވެ.
ހައުސިންގ މިނިސްޓްރީން ބުނެފައިވަނީ ގޯތީގެ ރަޖިސްޓްރީ ހަވާލުކުރުމުގެ މަސައްކަތް ކުރިއަށް އޮތް ދެމަހެއްހާ ދުވަހުގެ ތެރޭގައި ނިންމުމަށް މަސައްކަތް ކުރަމުންދާކަމަށެވެ. ރަޖިސްޓްރީ ދޫކުރުމުގެ މަސައްކަތް ކުރިއަށްދަނީ ކުރީގެ ހައުސިންގ މިނިސްޓްރީގައި ހިންގަމުންދިޔަ މާލެ ސިޓީ ކައުންސިލްގެ އާބާދީއާއި ބެހޭ ބައިގައެވެ. ރަޖިސްޓްރީ ދޫކުރަމުން ދަނީ އެޕޮއިންޓްމެންޓް އުސޫލުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %