ރޭ ހިނގި އެކްސިޑެންޓްގައި އަނިޔާވި 40 އަހަރުގެ މީހާއަށް ފަރުވާދެނީ ވެންޓިލޭޓަރުގައި
Read Time:2 Minute, 17 Second
ރޭ ހިނގި ނުރައްކާތެރި އެކްސިޑެންޓްގައި އަނިޔާވި 40 އަހަރުގެ މީހާއަށް ފަރުވާދެމުން ދަނީ ވެންޓިލޭޓަރަށް ލައިގެން އައިސީޔޫގައި ކަމަށް އައިޖީއެމްއެޗް އިން ބުނެފި އެވެ.
ރޭ ގާތްގަނޑަކަށް 8:10 ހާއިރު ބޮޑުތަކުރުފާނު މަގުގައި ހުންނަ މާފަންނު ބަސް ޓަރމިނަލް ކުރިމަތީގައި އޮންނަ ކަފިހި ހުރަސް މަތިން ހުރަސް ކުރި މީހެއް ގައިގައި ސައިކަލަކުން ޖެހި ހިނގި މި އެކްސިޑެންޓްގައި ވަނީ 17 އަހަރުގެ ކުއްޖަކު މަރުވެފައެވެ. މި އެކްސިޑެންޓްގައި މަރުވެފައިވަނީ މަޝްހޫރު ލަވަކިޔުންތެރިން ކަމަށްވާ މުހައްމަދު އަބްދުލްޣަނީ (ތޭރަވާ) އާއި މަރިޔަމް އަޝްފާގެ 17 އަހަރުގެ ދަރިފުޅު އަލްސަން އެވެ.
އަދި އެކްސިޑެންޓްގައި ދެން އަނިޔާވި 16 އަހަރުގެ ކުއްޖާއާއި 40 އަހަރުގެ މީހަކަށެވެ. މިތަނުން 16 އަހަރުގެ ކުއްޖާ ސައިކަލު ފަހަތު ސީޓްގައި އިންއިރު، 40 އަހަރުގެ މީހާ އަކީ އެވަގުތު ދުވެފައި މަގު ހުރަސް ކުރަން ނުކުތް މީހާ އެވެ.
އައިޖީއެމްއެޗް އިން މައުލޫމާތު ދޭ ގޮތުގައި މި އެކްސިޑެންޓުގައި އަނިޔާ ލިބުނު 40 އަހަރުގެ މީހާއަށް އައިސީޔޫގައި ވެންޓިލޭޓަރުގައި ފަރުވާ ދެމުން އަންނައިރު އެކްސިޑެންޓުގައި އަނިޔާވި 16 އަހަރުގެ ކުއްޖާއަށް މިހާރު ފަރުވާ ދެމުން އަންނަނީ ވޯޑުގައި އެޑްމިޓުކޮށްގެންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %