މާމިގިލި ކައިރިއަށް ފީނަން ދިޔަ 15 އަހަރުގެ ކުއްޖެއް މަރުވެއްޖެ
Read Time:2 Minute, 4 Second
އދ. މާމިގިލި ކައިރިއަށް ފީނަން ގޮސް އުޅެނިކޮށް ގެއްލުނު ފިރިހެން ކުއްޖަކު މަރުވެފައި އޮއްވައި ފެނިއްޖެ އެވެ.
އުމުރުން 15 އަހަރުގެ ލޫތު އަހުމަދު އިއްޔެ މެންދުރު ގަޑީގައި އިތުރު 3 ކުދިންނާއެކު ދިޔައީ ބޯވަ ނަގާށެވެ. ހަވީރު ހާއިރު މާމިގިލީ ކައިރީގައި ފީނާފައި، ދެން ތިބި ކުދިން އެއްގަމަށް އެރިއިރުވެސް ލޫތު މައްޗަކަށް ނާރައެވެ. އަދި އޭނާއާއެކު މޫދަށް އެރުނު 3 ކުދިން އޭނާ ހޯދަން ކުރި މަސައްކަތުން ވެސް އޭނާ ނުހޯދެއެވެ.
ފުލުހުން މީޑިއާތަކަށް ހިއްސާކުރި މެސެޖެއްގައި ބުނީ އެ ކުއްޖާ ފީނަން ދިޔައީ އިއްޔެ މެންދުރު ކަމަށާއި އޭނާ އާއެކު އިތުރު ތިން ކުއްޖަކު ދިޔަ ކަމަށެވެ. އަދި އެ ކުއްޖާ ގެއްލިގެން ފުލުހުންނަށް ރިޕޯޓުކުރީ ރޭ 7:00 ހާއިރު ކަމަށެވެ.
ފުލުހުންނާއި އެމްއެންޑީއެފް އަދި ރަށުގެ ރައްޔިތުން ވެގެން ވަނީ އެކުއްޖާ ހޯދުމުގެ މަސައްކަތްކޮށްފައެވެ. އަދި އެ ކުއްޖާ ފެނުނީ މާމިގިލީ ބޭރުން ކަމަށާއި ކުއްޖާ ގެންދިޔައީ މާމިގިލީ ސިއްހީ މަރުކަޒަށް ކަމަށް ފުލުހުން ބުނެފައިވެއެވެ. އަދި ކުއްޖާ ސިއްހީ މަރުކަޒަށް ގެންދިޔައިރު ވެސް މަރުވެފައިވާ ކަމަށް ފުލުހުން ބުންޏެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %