ފުލުހުންގެ ހިދުމަތުން ފ. އަތޮޅުގައި ފަސްޓް އެއިޑް ޓްރެއިނިންގް ޕްރޮގްރާމެއް ކުރިއަށް ގެންގޮސްފި
Read Time:3 Minute, 21 Second
ފ. އަތޮޅުގައި މަސައްކަތްކުރާ ފުލުހުންނާއި އެ އަތޮޅުގެ އެކި ރަށްތަކުގައި މަސައްކަތްކުރާ މުއައްސަސާތަކުގެ މުވައްޒަފުންނަށް ހާއްސަކޮށްގެން ބޭއްވި ބޭސިކް ފަސްޓް އެއިޑް ޓްރެއިނިންގް ޕްރޮގްރާމެއް ކުރިއަށް ގެންގޮސްފިއެވެ. އެގޮތުން މި ޕްރޮގްރާމް ކުރިއަށް ގެންގޮސްފައިވަނީ ފ. އަތޮޅުގެ ޕޮލިހާއި ވޯކްފޯސް ހެލްތު އެންޑް ވެލްބީންގް އާއި ފ. އަތޮޅުގެ ކައުންސިލާއި އަތޮޅު ހޮސްޕިޓަލް ގުޅިގެންނެވެ.
ބޭސިކް ފަސްޓް އެއިޑް ޓްރެއިނިންގް ކޯހަކީ އާންމުކޮށް އަދި ކުއްލިއަކަށް ދިމާވާ ހާދިސާތަކުން އަނިޔާ ލިބޭ ފަރާތްތަކަށް އަވަސް ފަރުވާދީ، ފުރާނަ ސަލާމަތް ކުރުމަށް އަހުލުވެރިކޮށް، މީހުން ތައްޔާރުކުރުމަށް ކުރިއަށް ގެންދެވޭ ތަމްރީނެކެވެ.
މިކޯހުގައި، އާންމުކޮށް ދިމާވާހާދިސާތަކުގައި އަމަލުކުރާނެ ގޮތްތަކާއި، މީހާގެ ހާލަތު ދެނެގަންނާނެ ގޮތާއި ޖިސްމާނީ އަނިޔާއެއް ލިބިފައިވާ މީހަކަށް އެހީތެރިކަން ދިނުމުގައި އިތުރަށް ގެއްލުން ނުވާނެހެން އަމަލުކުރާނެ ގޮތްތަކާއި އެފަދަ ފަރާތްތަކަށް އެހީތެރިވެވިދާނެ ގޮތްތައް ކިޔާދީފައިވެއެވެ.
އަދި ކުޑަކުދިންނާއި ބޮޑެތި މީހުންގެ ފުރާނަ ސަލާމަތްކުރުމުގައި އަމަލު ކުރަންޖެހޭ ގޮތްތަކާއި މަރުހަލާތައް ވަނީ މި ކޯހުގައި ކިޔާދީފައެވެ. އެގޮތުން ސީޕީއާރު ދިނުމާއި އޭއީޑީ އަދި ސްޓޭންޑަޑް ފަސްޓް އެއިޑްގެ ބައިތައް ދަސްކޮށްދީ ފަރިތަކުރުންތައް ކުރިއަށް ގެންގޮސްފައިވެއެވެ. އަދި މި ކޯސް ފުރިހަމަކުރި ބައިވެރިންނަށް ސެޓްފިކެޓް ދީފައިވެއެވެ.
މި މަހު 10 އިން 16 އަށް ގެންދިޔަ ޓްރޭނިންގް ޕްރޮގްރާމްގައި އެއަތޮޅުގެ ނިލަންދޫ، ދަރަނބޫދޫ، މަގޫދު ބިލެތްދޫ އަދި ފީއަލީ ހިމެނޭހެން ޖުމްލަ 262 ބައިވެރިވެފައިވެއެވެ. މި ޕްރޮގްރާމްގައި ފ.އަތޮޅުގެ ރަށްރަށުން ވަރަށް ބޮޑު ތަރުހީބެއް ލިބިފައިވާ ކަމަށް ފުލުހުންގެ ހިދުމަތުން ވިދާޅުވެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %