ގައުމީ ދަނޑުވެރިކަމުގެ ލެބޯޓަރީގެ މަސައްކަތް އަންނަ އަހަރަށް ނިންމަނީ
Read Time:2 Minute, 45 Second
ފުވައްމުލަކުގައި ގާއިމް ކުރާ ގައުމީ ދަނޑުވެރިކަމުގެ ލެބޯޓަރީގެ މަސައްކަތް އަންނަ އަހަރަށް ނިންމައި، އެތަން އޮޕަރޭޓް ކުރަން ފެށޭނެ ކަމަށް މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ އިން ބުނެފިއެވެ.
ޕީއެސްއެމް ނިއުސްގެ ރާއްޖެ މިއަދު ޕްރޮގްރާމްގައި ވާހަކަ ދައްކަވަމުން އެމިނިސްޓްރީގެ ނައިބު އިސްމާއިލް މުހައްމަދު ވިދާޅުވީ އެ ވުޒާރާއިން މަސައްކަތްކުރައްވަނީ ލެބޯޓަރީގެ އަމަލީ މަސައްކަތް ވީހާވެސް އަވަހަށް ނިންމުމަށްކަމަށެވެ. އަދި މަސައްކަތް ކުރިއަށްދާގޮތަށްބަލައި، އަންނައަހަރުތެރޭ އެ މަސައްކަތް ނިންމުމަށް މަސައްކަތްކުރައްވާކަމަށް އިސްމާއިލް ވިދާޅުވިއެވެ.
ޤައުމީ ލެބޯޓަރީ އޮޕަރޭޓް ކުރަން ފެށުމާއެކު، ދަނޑުވެރިކަމުގެ އުފެއްދުންތަކުގެ ފެންވަރު ވަޒަންކުރުމާއި، ބޭނުންކުރެވޭ ކެމިކަލްތަކުގެ މިންގަނޑުތައް ދެނެގަތުމުގެ މަސައްކަތް ކުރެވޭނެއެވެ. މިކަމުގެ ސަބަބުން، ދިވެހިރާއްޖޭގައި އުފައްދާ ތަރުކާރީއާއި މޭވާގެ ރައްކާތެރިކަން އިތުރުވެ، ސިއްހަތަށް ފައިދާހުރި ކާބޯތަކެތި އުފެއްދުމަށް މަގުފަހިވެގެންދާނެކަމަށް މިނިސްޓްރީން ބުނެފައިވެއެވެ.
މި ލެބް ނިންމުމަށް އެންމެ ފުރަތަމަ ނިންމީ މި އަހަރުގެ ނިޔަލަށެވެ. މި ލެބު އެޅުމަށް ކޮންޓްރެކްޓަރާއެކު އެއްބަސްވުމުގައި ސޮއިކުރީ މިދިޔަ އަހަރުގެ އޮގަސްޓުމަހުގެ ތެރޭގައެވެ. 11 މިލިއަން ރުފިޔާގެ މި މަސައްކަތް ހަވާލުކޮށްފައިވަނީ އެއް އަަހަރުތެރޭ ނިންމާގޮތަށް ވެންޒާ ކޮމްޕެނީ ޕްރައިވެޓް ލިމިޓެޑާއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %