މިހާތަނަށް 50 އަށްވުރެ ގިނަ ކުޅިވަރުގެ ޕްރޮޖެކްޓުތައް ނިންމާ ހަވާލުކޮށްފި
Read Time:3 Minute, 8 Second
މިއަހަރުގެ މިހާތަނަށް 50 އަށްވުރެ ގިނަ ކުޅިވަރުގެ ޕްރޮޖެކްޓުތައް ނިންމާ ރައްޔިތުންނާ ހަވާލުކުރެވިއްޖެކަމަށް ކުޅިވަރާ ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ. މިކަން މިހެން އޮތްއިރު، މިއަހަރަކީ ކުޅިވަރާބެހޭ ވުޒާރާއިން އެންމެ ގިނަ މަޝްރޫޢުތައް ނިންމާ ހަވާލުކުރާނެ އަހަރަށްވެގެންދާނެކަމަށްވެސް ވަޒީރު ރާފިޢު ވިދާޅުވިއެވެ.
”ކުޅިވަރުގެވެސް އެކި ވަސީލަތްތައް އަޅުގަނޑުމެން މިހާރުވެސް މިހާތަނަށް އައި އިރުގައި ފަންސާހަށްވުރެ ގިނަ ޕްރެޖެކްޓު އެއްކޮށް ނިންމާ ރައްޔިތުންނާވަނީ ހަވާލުކޮށްފަ، އަދި އިރާދަކުރެއްވިއްޔާ މިއަހަރުވެގެންދާނީ ދިވެހިރާއްޖޭގެ ކުޅިވަރުގެ ވުޒާރާއިން މިހާތަނަށް އެންމެ ގިނަ މަޝްރޫޢުތައްކޮށް އެ މަޝްރޫޢުތަކަށް ހައްލު ގެނެސްދޭ އަހަރަކަށް،“ ވަޒީރު ރާފިޢު ވިދާޅުވެފައިވެއެވެ.
ރާއްޖޭގެ ހުރިހާ ހިސާބެއްގައި ކުޅިވަރުގެ ވަސީލަތްތައް ޤާއިމުކުރުމަށް ސަރުކާރުން ގެންދަވަނީ ގިނަގުނަ މަސައްކަތްތައް ކުރައްވަމުންނެވެ. މި މަސައްކަތްތަކުގެ ތެރޭގައި، މިއަހަރުގެ މޭމަހުގެ ތެރޭގައި ހުއްޓިފައިހުރި ބައެއް ކުޅިވަރު މަޝްރޫއުތައް ނިންމުމަށް ސަރުކާރުގެ ފަރާތުން ފެނަކަ ކޯޕަރޭޝަނާއި، ރޯޑް ޑިވެލޮޕްމަންޓް ކޯޕަރޭޝަން (އާރްޑީސީއާ) އަދި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާވެސް ވަނީ ހަވާލުކޮށްފައެވެ.
ހުއްޓިފައިވާ ކުޅިވަރު މަޝްރޫޢުތައް ނިންމާ ރައްޔިތުންނާ ހަވާލުކޮށްދެއްވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅެކެވެ. މިގޮތުން، ސަރުކާރުން މިހާރުވެސް ދަނީ ރައީސުލްޖުމްހޫރިއްޔާގެ ވަޢުދުފުޅުތައް ފުއްދުމަށް ބުރަ މަސައްކަތްތަކެއް ކުރައްވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %