2025 ވަނަ އަހަރުގެ "ގޭމް އޮފް ދި އިޔަރ" މިހާރު އިނގޭނެތަ؟

Read Time:3 Minute, 26 Second

2025 ވަނަ އަހަރުގެ މެދަކާއި ހިސާބައަށް އައިސްފައިވާއިރު، މިއަހަރުގެ ”ގޭމް އޮފް ދި އިޔަރ“ އެވޯޑް ހޯދާނެ ގޭމްތައް މިހާރު ވެސް ފެންނަން ހުރި ކަމަށް ބައެއް މީހުން ދެކެއެވެ. އާންމުކޮށް ގިނަ މީހުން މި އެވޯޑް ދޭނެ ވަރުގެ ގޭމްތައް ނިންމަނީ އޯޓަމްގައި ނެރޭ ގޭމްތަކަށް ފަހުއެވެ. ނަމަވެސް މިއަހަރުގެ ސަމަރ ގައި އެތައް ބަޔަކު ”ގޭމް އޮފް ދި އިޔަރ“ ލިބޭނެ ކަމަށް ބުނާ ގޭމްތައް ވަނީ ކަނޑައަޅާފައެވެ.

އެގޮތުން މިއަހަރުގެ އެންމެ ކުރީގައި އުޅޭ ގޭމް ތަކަކީ ސޭންޑްފޯލް އިންޓަރެކްޓިވްގެ ކްލެއަރ އޮބްސްކިއަރ: އެކްސްޕެޑިޝަން 33، ކޮޖިމާ ޕްރޮޑަކްޝަންސްގެ ޑެތު ސްޓްރެންޑިންގ 2: އޮން ދަ ބީޗް، އަދި ނިންޓެންޑޯ އީޕީޑީގެ ޑޮންކީ ކޮންގް ބަނަންޒާ އެވެ.

އޮބްސްކިއަރ: އެކްސްޕެޑިޝަން 33 އަކީ އެކްސްބޮކްސް ގޭމް ޕާސްގަ ފުރަތަމަ ލޯންޗު ކުރި ދުވަހު އެ ސާވިސްގެ އެންމެ މަގުބޫލު އެއް ގޭމަށް ވެގެން ދިޔަ ގޭމެކެވެ. މި ގޭމް ވަނީ 33 ދުވަސް ތެރޭ 3.3 މިލިއަން ކޮޕީޒް ވިއްކާފައެވެ.

ހިޑިއޯ ކޮޖިމާގެ ޑެތު ސްޓްރޭންޑިންގެ ދެވަނަ ބައެއް ނެރުނު އިރު މިއީ އެތައް ބަޔަކު އިންތިޒާރު ކޮށްގެން ހުރި ގޭމެކެވެ. މި ގޭމްގެ ރިލީޒް އާއެކު އެެތައް ބައެއްގެ މަގްބޫލްކަން ލިބިގެންދިޔައިރު މި ގޭމް އަކީ މިވަގުތު އެންމެ މަޝްހޫރު އެއް ގޭމް އެވެ.

ޑޮންކީ ކޮންގް ގެ އާ ގޭމް ވެގެން ދިޔައީ ނިންޓެންޑޯގެ އާ ކޮންސޯލް އަށް ކުރިއެރުން ލިބުނު ގޭމެކެވެ. އަދި މިއީ ކުރީ ޒަމާނުގެ ހަނދާންތައް އާކޮށްލަދޭ، ކުރީގެ ޑޮންކީ ކޮންގްގެ ފޭނުންގެ ލޯބި ލިބިގެން ދިޔަ ގޭމެކެވެ.

މި ތިން ގޭމް ވެސް ”ގޭމް އޮފް ދި އިޔަރ“ ކޮންޓެންޑަރ ލިސްޓްގެ އެންމެ ކުރީގައި އުޅޭއިރު، މިއަހަރު ނެރޭ ސަކަރ ޕަންޗްގެ ގޯސްޓް އޮފް ޔޮޓޭ އިން މި އެވޯޑް ނަގާނެ ކަމަށް ދެކޭ މީހުން ވެސް މަދެއް ނޫނެވެ. އަދި ދަ އައުޓަރ ވޯލްޑްސް 2، ބޯޑަރލޭންޑްސް 4، މެޓްރޮއިޑް ޕްރައިމް 4: ބިއޮންޑް، ސައިލެންޓް ހިލް އިން ވެސް މި ލިސްޓަށް އަރާނެ ކަމަށް ބެލެވެއެވެ.