ގެއްލިގެން ހޯދަމުންދާ ޒުވާނާ ހަފުތާއެއް ވީއިރުވެސް އަދިވެސް ނުފެނޭ
Read Time:2 Minute, 43 Second
ގެއްލިގެން ހޯދަމުން އަންނަ އުމުރުން 30 އަހަރުގެ ހަސަން ޔާމީން އަދިވެސް ނުފެންނަ ކަމަށް ފުލުހުން ބުނެފިއެވެ.
ގ. ގާރނެޓް ހަސަން ޔާމީން ގެއްލިގެން އޭނާގެ އާއިލާއިން ފުލުހުންނަށް ރިޕޯޓްކުރީ މިމަހުގެ 14 ވަނަދުވަހުއެވެ. ފުލުހުން ބުނީ މދިޔަ ހުކުރު ދުވަހުގެ ރޭ 9:15 ހާއިރު އޭނާ ދިރިއުޅޭ ގެއިން ނުކުމެގެން ދިޔަފަހުން އޭނާގެ ހަބަރެއް ނުވާ ކަމަށް އާއިލާއިން ބުނެފައިވާކަމަށެވެ. އާއިލާއިން އޭނާ ގެއްލުނު ކަމަށް ރިޕޯޓް ކުރީ މިދިޔަ ހޯމަ ދުވަހުގެރޭ 20:30 ހާއިރު އެވެ.
އޭނާ ހޯދުމުގެ މަސައްކަތުގައި ފުލުހުން ވަނީ އޭނާ އޭނާ ދިރިއުޅޭ ތަން ބަލައި ފާސްކޮށްފައެވެ. އަދި މި ތަން ބެލުމަށް ފަހު ފުލުހުން ބުނެފައިވަނީ ތުހުމަތު ކުރެވޭ އެއްވެސް ކަމެއް ނުވަތަ އެތަނުގައި އެއްވެސް ކަމެއް ހިނގާފައިވާ ކަމުގެ އެއްވެސް ނިޝާނެއް ފެންނަން ނެތް ކަމަށެވެ. މީގެ އިތުރުން ހަސަން ޔާމީން ގައުމުން ބޭރަށް ގޮސްފައި ނުވާކަމަށް ވެސް ފުލުހުން މައުލޫމާތުދެއެވެ.
އޭނާ ހޯދުމުގެ މަސައްކަތުގައި ގިނަ އަދަދެއްގެ ސީސީޓީވީ ފުޓޭޖު ދިރާސާ ކުރުމުގެ މަސައްކަތް ކުރަމުންދާ ކަމަށް ވެސް ފުލުހުން ބުނެފައިވެއެވެ. އަދި ޔާމީން ހޯދުމަށްޓަކައި ކުރަންޖެހޭ ހުރިހާ ކަމެއް ކުރާނެ ކަމުގެ ޔަގީންކަން ފުލުހުން ވަނީ ދީފައެވެ.
ޔާމީނާ ގުޅޭ އެއްވެސް މައުލޫމާތެއް ލިބިފައިވާ ނަމަ، ފުލުހުންގެ ހޮޓްލައިން ނަންބަރު 3322111 އަށް، ނުވަތަ ހެންވޭރު ޕޮލިސް އިންވެސްޓިގޭޝަން ނަންބަރު 9400053 އަށް ގުޅައި، މައުލޫމާތު ހިއްސާކޮށްދިނުމަށް ފުލުހުން އެދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %