މަސްވެރިކަމުގެ އުފެއްދުންތަކަށް ހާއްސަ ގައުމީ ބްރޭންޑް ”ފްރޮމް މޯލްޑިވްސް“
Read Time:3 Minute, 41 Second
މަސްވެރިކަމުގެ އުފެއްދުންތެރިކަމަށް ހާއްސަ ގައުމީ އައު ބްރޭޑް“ފްރޮމް މޯލްޑިވްސް“ ރައިސުލްޖުމްހޫރިއްޔާ ޑރ. މުހައްމަދު މުއިއްޒު އިފްތިތާހު ކޮށްދެއްވައިފިއެވެ. މި ބްރޭންޑްގެ ސަބަބުން ދުނިޔޭގެ ބާޒާރަށް ރާއްޖޭގެ އުފެއްދުންތައް ނެރުމަށް ދިމާވާ އުނދަގޫތަކަށް ހައްލެއް ލިބިގެންދާނެ ކަމަށް މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްގެ މިނިސްޓަރ އަހްމަދު ޝިޔާމް ވަނީ ވިދާޅުވެފައެވެ.
ބިޒްނަސް ފޯރަމްގައި މި ބްރޭންޑާ ގުޅިގެން މިނިސްޓަރު ދެއްކެވި ވާހަކަފުޅުގައި، ދިވެހިރާއްޖޭގެ މަސްވެރިކަމަށް ބައިނަލްއަގުވާމީ ބާޒާރުގައި ކުރިމަތިވެފައިވާ ގޮންޖެހުންތަކަށް އަލިއޫވާލާފައިވެއެވެ. އެގޮތުން މިނިސްޓަރު ވިދާޅުވެފައިވަނީ ދުނިޔޭގެ ބޮޑެތި ބައެއް މާކެޓްތަކުގައި ރާއްޖެއިން އަދިވެސް ބޮޑު ޓެރިފެއް ދައްކަން ޖެހުމަކީ މަސްވެރިކަމަށް އޮތް އެންމެ ބޮޑު ގޮންޖެހުން ކަމަށެވެ.
މިނިސްޓަރުގެ ވާހަކަފުޅުގައި މަސްވެރިކަމުގެ ދެމެހެއްޓެނިވި ކަންކަމަށް މަސައްކަތް ނުކުރާ ބޮޑެތި ސިނާއަތްތަކުގެ ފްލީޓްތަކަށް ޑިއުޓީ ފްރީ އެކްސެސް ލިބޭއިރު ދުނިޔޭގެ އުތުރުގައި މުހިންމު މާކެޓުތަކުގައި ރާއްޖެއިން ބޮޑު ޓެރިފްއެއް ދައްކަންޖެހޭއިރު، މި ބްރޭޑް އިފްތިތާހުކުރުމުގެ ސަބަބުން ފަސޭހަވެގެންދާނެ ކަމަށް ވަނީވިދާޅުވެފައެވެ.
މި ބްރޭންޑްގެ ސަބަބުން އަގުއެއްކުރި މަހާއި މަހުގެ އުފެއްދުންތައް ރާއްޖޭގައި ތައްޔާރުކޮށް، ބަންދުކުރުމުގެ ކެޕޭސިޓީ އިތުރުކުރުމަށާއި، ޕްރޮސެސްކުރުމުގެ އިތުރުން، މަސް ފިނިކޮށް، ރައްކާކުރުމުގެ ނިޒާމު އިތުރަށް ފުޅާކުރުމަށް ސަރުކާރުން ކުރަމުންގެންދާ މަސައްކަތްތަކަށްވެސް ލިބިގެންދާ ކުރިއެރުމެކެވެ. ރާއްޖޭގައި މަހުގެ އުފެއްދުންތައް ތައްޔާރުކުރާ މީހުންނަށް ބައިނަލްއަގްވާމީ ބާޒާރުގައި ވާދަވެރިކަމާއެކު ބައިވެރިވުމުގެ މަގު އިތުރަށް ހުޅުވިގެންދާނެއެވެ.
”ފްރޮމް މޯލްޑިވްސް“ އަކީ މޯލްޑިވްސް ފިޝަރީސް އެންޑް އޯޝަން ރިސޯސަސް މާކެޓިންގ އެންދް ޕްރޮމޯޝަން ކޯޕަރޭޝަންގެ އުފެއްދުމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %