ބޭސްފަރުވާއަށް ބޭރަށް ދާ މީހުންނަށް ދޭ ޑޮލަރު ލިމިޓް އިތުރުކޮށްދެނީ
Read Time:2 Minute, 16 Second
ރާއްޖެއިން ބޭރަށް ބޭސް ފަރުވާއަށް ފުރާ މީހުނަށް، ޑޮލަރު ލިމިޓް އިތުރު ކޮށްދިނުމަށް ނިންމަވާފައި ވާކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ރާއްޖެއިން ބޭރަށް ބޭސް ފަރުވާއަށްދާ ފަރާތްތަކަށް ޑޮލަރު ހޯދުމުގައި ލުއިފަސޭހަކޮށް ދިނުމުގެ ގޮތުން، މިހާރުވެސް އާސަންދަ ޕޭޝަންޓުންނަށް ބޭންކު މެދުވެރިކޮށް 2000 ޑޮލަރާ ހަމައަށް ލިބޭ ފަދައިން، 1 އޮގަސްޓު 2025 އިން ފެށިގެން އެންސްޕާ ޕޭޝަންޓުންނަށްވެސް ބޭންކުތަކުން 2000 ޑޮލަރާ ހަމައަށް ޑޮލަރު ލިބޭނެ ގޮތް ހަމަޖެއްސުމަށް ދަންނަވާފައިވާ ކަމަށެވެ.
އަދި އަމިއްލަ ހަރަދުގައި ރާއްޖޭން ބޭރަށް ބޭސް ފަރުވާއަށް ދާ ފަރާތްތަކަށް މި ތާރީހުން ފެށިގެން 1000 ޑޮލަރު ބޭންކުތައް މެދުވެރިކޮށް ހަމަޖެއްސުމަށް ކަމާބެހޭ ފަރާތްތަކަށް ދަންނަވާފައިވާ ކަމަށްވެސް ރައީސް ވިދާޅުވެފައިވެއެވެ.
އަމިއްލަ ހަރަދުގައި ބޭސް ފަރުވާއަށް ރާއްޖެއިން ބޭރަށް ދާ މީހުންނަށް ބީއެމްއެލް މެދުވެރިކޮށް މިހާރު ލިބެނީ ޓިކެޓަށް ލިބޭ 500 ޑޮލަރު އެކަންޏެވެ. އަދި ގިނަ މީހުން ކަޅު ބާޒާރުން އަގު ބޮޑުކޮށް ޑޮލަރު ގަންނަން ޖެހޭއިރު މިވަގުތު ކަޅު ބާޒާރުގައި ޑޮލަރު ހުރީ 20 ރުފިޔާއިން މަތީގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %