ޔާމީން ވަނީ ސިނަމާލެ ބްރިޖުން މޫދަށް ފުންމާލާފައި: ފުލުހުން
Read Time:2 Minute, 20 Second
ގެއްލިގެން ހޯދަމުންދިޔަ ހަސަން ޔާމީން، 30، ގ. ގާނެޓް ވަނީ ސިނަމާލެ ބްރިޖު މަތިން މޫދަށް ފުންމާލާފައި ކަމަށް ފުލުހުން ބުނެފި އެވެ.
ފުލުހުން ނެރުނު ނޫސްބަޔާނެއްގައި ބުނީ ޔާމީން ހޯދުމުގެ މަސައްކަތުގެ ތެރެއިން ގިނަ އަދަދެއްގެ ސީސީޓީވީ ފުޓެޖް ދިރާސާކޮށްފައިވާ ކަމަށެވެ. އެގޮތުން މިދިޔަ ހަފުތާގެ އާދިއްތަ ދުވަހުގެ ފަތިހު 3:24 ކަންހާއިރު އޭނާ ސިނަމާލެ ބުރިޖުން މޫދަށް ފުންމާލާ މަންޒަރު ސީސީޓީވީ ފުޓެޖުން ފެނިފައިވާ ކަމަށް ފުލުހުން ބުނެފައިވެއެވެ.
”ހަސަން ޔާމީން ހޯދުމަށް ތަހުގީގު ތެރެއިން ގިނަ އަދަދެއްގެ ސީސީޓީވީ ފުޓޭޖު ދިރާސާ ކުރެވިފައިވެ އެވެ. މިގޮތުން ޖުލައި 13، 2025 ވަނަ ދުވަހުގެ ފަތިހު 3:24 އެހާކަށްހާއިރު ހަސަން ޔާމީން ސިނަމާލެ ބްރިޖުން މޫދަށް ފުންމާލާ މަންޒަރު ސީސީޓިވީ ފުޓޭޖުން ފެނިފައިވެ އެވެ.“ ފުލުހުންގެ ބަޔާނުގައި ބުންޏެވެ.
ފުލުހުން އިތުރަށް ބުނީ އެ މައުލޫމާތު އާއިލާއާ ހިއްސާކޮށް، އާއިލާއާ ވާރަށް ގާތުން ތަހުގީގު ޓީމުން މަސައްކަތް ކުރަމުން އަންނަ ކަމަށެވެ. އަދި މީޑިއާތަކުން ސައްހަކަން ކަށަވަރު ނުކުރެވޭ މައުލޫމާތު ނުފެތުރުމަށާއި ހަމައެކަނި ފުލުހުންގެ ފަރާތުން ރަސްމީކޮށް ހިއްސާ ކުރާ މައުލޫމާތަށް ހުރިހާ ފަރާތްތަކުން ވެސް ރިޕޯޓް ކުރުމަށް ފުލުހުން އިލްތިމާސްކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %