ފޭސް އެކަކާއި ފޭސް ދޭއްގެ ދެމެދު އޮންނަ ޗެނެލްގައި މުރަކަ އާލާކުރަނީ
Read Time:2 Minute, 0 Second
ހުޅުމާލެ ފޭސް އެކަކާއި ފޭސް ދޭއްގެ ދެމެދު އޮންނަ ޗެނެލްގައި މުރަކަ އާލާކުރުމުގެ މަޝްރޫއުއެއް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިއްޔެ ފަށައިފި އެވެ.
އެންވަޔަރަންމެންޓް ޕްރޮޓެކްޝަން އެޖެންސީ (އީޕީއޭ) އަދި މޯލްޑިވްސް މެރިން އިންސިޓްޓިއުޓް (އެމްއެމްއާރްއައި) އާއި ގުޅިގެން ކުރިޔަށް ގެންދާ މި މަޝްރޫއުއަކީ މުރަކަ އާލާކުރުމަށް އެކި މަރުހަލާތަކަށް ބަހާލައިގެން ކުރިއަށްގެންދާނެ މަސައްކަތެކެވެ. އަދި މި ޕްރޮޖެކްޓްގެ އަމާޒަކީ ކުރިއަށް އޮތް އަހަރުގެ ތެރޭގައި ޗެނަލް ޕާކުގައި އިތުރު މުރަކަ އިންދައި، މި ސަރަހައްދުގެ މޫދުގެ ދިރުންތައް މުއްސަނދިކުރުން ކަމަށް އެޗްޑީސީން ބުންޏެވެ.
އެޗްޑީސީން އިތުރަށް ބުނީ އެ ޕްރޮޖެކްޓުގެ ދަށުން މުރަކަ އިންދާނީ އެ ސަރަހައްދުގައި މުރަކަ އިންދައިގެން އެއްވެސް ނޭދެވޭ ނަތީޖާއެއް ނުނިކުންނާނެކަން ކަށަވަރު ކުރުމަށް ފަހު ކަމަށާއި، މުރަކަ އިންދުމަށްފަހު ނޭދެވޭ ކަމެއް ދިމާނުވާ ނަމަ އެ ބަގީޗާ އިތުރަށް ބޮޑުކޮށް އިތުރު ތަންތާވެސް މުރަކަ އާލާކުރުމުގެ މަސައްކަތް ފާށާނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %