ބިޓްކޮއިން އާއި އިތީރިއަމް: މިވަގުތު ރަނގަޅު އިންވެސްޓްމަންޓަކީ ކޮބާ؟
Read Time:3 Minute, 55 Second
މިއަހަރުގެ ކުރީކޮޅު ބިޓްކޮއިން އަކީ ކްރިޕްޓޯ އިންވެސްޓަރުންނަށް އެންމެ ރައްކާތެރި ޗޮއިސް ކަމަށް ފެނުނު ނަމަވެސް މިހާރު ގިނަ ބަޔަކު ދަނީ އިތީރިއަމް އަށް އިންވެސްޓް ކުރަމުންނެވެ.
އިތީރިއަމް ވަނީ ބިޓްކޮއިންއާ އަޅައި ބަލާއިރު މާ ބާރު ސްޕީޑެއްގައި ކުރިއަރަން ފަށާފައެވެ. އެގޮތުން މިއަހަރު އިތީރިއަމް ގާތްގަނޑަކަށް %40 އިތުރުވެފައިވާއިރު ބިޓްކޮއިން އިތުރުވެފައިވަނީ އެންމެ %20 އެވެ. މި ޕަރފޯމަންސް ގެޕްގެ ސަބަބުން ބޮޑެތި އިންވެސްޓަރުންގެ ސަމާލުކަން އިތީރިއަމް އަށް ލިބިފައިވާއިރު، އެމީހުން ދަނީ އިތީރިއަމްއަށް އިތުރު ފައިސާ އިންވެސްޓްކުރަމުންނެވެ.
އިތީރިއަމްގެ ކުރިއެރުމުގެ އެއް ސަބަބަކީ އެމެރިކާގެ އާ ގާނޫނުތަކުގެ ސަބަބުން އެ ކުންފުނީގެ ބްލޮކްޗޭންއަށް ގިނަ ފައިދާތަކެއް ކުރުމެވެ. އަދި ބޮޑެތި ކުންފުނިތަކުން ގިނަ އަދަދެއްގެ އިތީރިއަމް ގަންނަމުންދާއިރު، ގިނަ އިންސްޓިޓިއުޝަނަލް އިންވެސްޓަރުން ދަނީ އެއަށް ފައިސާ އިންވެސްޓް ކުރަމުންނެވެ.
ފަހުގެ ޑޭޓާއިން ދައްކާ ގޮތުގައި އިންސްޓިޓިއުޝަނަލް ކްރިޕްޓޯ އިންވެސްޓްމަންޓްތަކުގެ %77 މިހާރު ދަނީ އިތީރިއަމް އަށެވެ. ބިޓްކޮއިން އަށް ލިބިފައިވަނީ އެންމެ %15 އެވެ.
އިތީރިއަމް އަށް ކުރު މުއްދަތެއް ތެރޭ ބޮޑު ކުރިއެރުމެއް ލިބިގެން ދިޔަ ނަމަވެސް ދިގު މުއްދަތުގެ މަންޒަރުގައި އަދިވެސް ކުރީގައި އޮތީ ބިޓްކޮއިން އެވެ. ފާއިތުވި 10 އަހަރު ތެރޭގައި ބިޓްކޮއިންގެ އަގު %46،000 އަށް ވުރެ މައްޗަށް ގޮސްފައިވާއިރު، އިތީރިއަމްގެ އަގު އުފުލުނީ %37،500 އެވެ.
ކުރިއަށް އޮތް އަހަރުތަކުގައި ބިޓްކޮއިން އެއް މިލިއަން ޑޮލަރަށް އަރާފާނެ ކަމަށް ތަހުލީލު ކުރާ ފަރާތްތަކުން ގަބޫލުކުރާއިރު، މިއީ ދިގު މުއްދަތުގެ ވަރުގަދަ ބެޓަކަށް ވެދާނެ އެވެ. އަނެއްކޮޅުން އިތީރިއަމް އަށް ސޮލާނާ، ކާޑާނޯ، އެވަލެންޗް، ޓްރޮން، އަދި ސުއީ ފަދަ އެހެން ބްލޮކްޗޭންތަކާ ވަރުގަދަ ވާދަވެރިކަމެއް ވަނީ އުފެދިފައެވެ.
އިތީރިއަމްއިން ކުރު މުއްދަތެއްގެ ތެރޭގައި ބިޓްކޮއިން އަށް ވުރެ ކުރިއެރި ނަމަވެސް ބިޓްކޮއިން އަކީ އަދިވެސް ”ޑިޖިޓަލް ގޯލްޑް“ ގެ ގޮތުގައި ދެކެވޭ އަދި ކްރިޕްޓޯގައި އެންމެ ރައްކާތެރި އަދި އެންމެ އަގުހުރި ކަރެންސީއެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %