މިއަދު ވެސް ރިހީގެ އަގު މައްޗަށް
Read Time:3 Minute, 30 Second
މިއަދު ވެސް ރިހީގެ އަގު މައްޗަށް އަރަމުން އަންނައިރު މިއީ މި 14 އަހަރު ތެރޭ ރިހީގެ އަގު އުފުލުނު އެންމެ މަތީ އަދަދެވެ.
މިއަދު ރިހީގެ އައުންސެއްގެ އަގު 40.61 ޑޮލަރަށް އަރާފައިވާއިރު، މިއީ ހުކުރު ދުވަހުގެ 39.73 ޑޮލަރަށްވުރެ %2.22 އިތުރު އަދަދެކެވެ.. އަހަރު ފެށުނު ފަހުން ރިހި ވަނީ %40 އަށްވުރެ މައްޗަށް ގޮސް، ބާޒާރުގައި ވަރުގަދަ ކުރިއެރުމެއް ދައްކާފައެވެ.
އިންވެސްޓަރުން ގިނަ ފަހަރަށް ރިހި ފަދަ އަގުހުރި މައުދަނު ތަކަށް އިންވެސްޓް ކުރަނީ އެމީހުންގެ ފައިސާ ރައްކާތެރިކޮށް، އިންވެސްޓް ކުރެވޭ ސޭފް ހޭވެން އަކަށް ވާތީ އެވެ. ރަނަށް ވުރެ ރިހީގެ މަގުބޫލުކަން ކުޑަ ނަމަވެސް، އިންފްލޭޝަން އިތުރުވެ ނުވަތަ އިގްތިސާދީ ކަންކަން ދަށް ދުވަސްވަރު އަގު ރައްކާކުރާ މައުދަނެއްގެ ގޮތުގައި ރިހި އަދިވެސް މުހިންމު ދައުރެއް އަދާކުރެއެވެ.
ރިހި ފަދަ މައުދަނު ތަކުގެ އަގުތަކަށް އެކިކަންތައްތަކުގެ އަސަރު ކުރެއެވެ. އެގޮތުން ދުނިޔޭގެ ޖިއޯ ޕޮލިޓިކަލް ހާލަތާއި، ރިސެޝަންގެ ބިރާއި، އިންޓަރެސްޓް ރޭޓަށް އަންނަ ބަދަލުތަކުގެ ސަބަބުން އަގުތައް މައްޗަށް ނުވަތަ ދަށަށް ދިއުމަކީ އެކަށީގެންވާ ކަމެކެވެ.
ރިހީގެ ވިޔަފާރި ކުރަނީ އެމެރިކާ ޑޮލަރުން ކަމުން، ޑޮލަރުގެ ބާރުގަދަވުމާއެކު އޭގެ އަގު ވެސް ބަދަލުވެއެވެ. ޑޮލަރު ބަލިކަށިވުމުން އާންމުކޮށް ރިހި ފަދަ މައުދަނު ތަކުގެ އަގު މައްޗަށް ދެއެވެ. މައިނިންގ އިން ސަޕްލައި ކުރުމާއި، ރީސައިކަލް ކުރުމާއި، ޖުމްލަ އިންވެސްޓަރުންގެ ޑިމާންޑަކީ ވެސް މާކެޓަށް ބަދަލު ގެނުވާ ކަންކަމެވެ.
އެކިއެކި ސިނާއަތްތަކުގައި ރިހީގެ ދައުރު ވަރަށް ބޮޑެވެ. ދަގަނޑުގެ ބާވަތްތައް ތެރެއިން ރިހި އަކީ ރަނގަޅަށް ކަރަންޓް ކޮންޑަކްޓް ކުރާ ދަގަނޑެކެވެ. އެގޮތުން އިލެކްޓްރޯނިކްސް އާއި ސޯލާ އެނާޖީގައި ރިހި ބޭނުންކުރެވެ. ޗައިނާ، އެމެރިކާ، އަދި އިންޑިއާ ފަދަ ތަކެތި މެނުފެކްޗަރ ކުރާ ގައުމުތަކުގައި ވަރުގަދަ ޑިމާންޑެއް އޮތުމުން ދަގަނޑުގެ އަގުތައް އުފުލެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %