ބްރިޓިޝް ޕައުންޑްގެ އަގު ދަށަށް
Read Time:1 Minute, 53 Second
އިނގިރޭސި ޕައުންޑްގެ އަގު އެމެރިކާ ޑޮލަރާ އަޅާބަލާއިރު ވަރަށް ބޮޑަށް ދަށްވާން ފަށައިފިއެވެ.
އެގޮތުން މިވަގުތު ޕައުންޑްގެ އަގު ވަނީ ގާތްގަނޑަކަށް %1.2 ދަށްވެފައެވެ. މިއީ ޖޫން މަހަށް ފަހު، އެއް ދުވަހުގެ ތެރޭ ވެއްޓުނު އެންމެ ބޮޑު ވެއްޓުމެވެ.
އަގު ވެއްޓެން ދިމާވި މައިގަނޑު ސަބަބަކީ އިނގިރޭސިވިލާތުގެ ބޮންޑް ޔީލްޑް %5.69 އަށް އުފުލިގެން ދިއުމެވެ. މިއީ އިންވެސްޓަރުން ގައުމުގެ މާލިއްޔަތާ މެދު ހާސްވަމުންދާ ކަމުގެ އިޝާރާތެކެވެ. އަދި މީގެ އިތުރުން އިނގިރޭސިވިލާތުގެ ސަރުކާރުގެ ދަރަނި ބޮޑުވަމުން ދިޔުމާއި ގުޅިގެން ވެސް އިންވެސްޓަރުން ވަނީ ޕައުންޑް ގަތުން މަދުވެފައެވެ.
އިނގިރޭސިވިލާތުގެ އިތުރުން ޔޫރަޕްގެ ބައެއް ހިސާބުތަކުގައި ވަނީ ބޮންޑް ޔީލްޑް މައްޗަށް ގޮސްފައެވެ. އެހެން ކަމުން އިންވެސްޓަރުން ދަނީ ރަން ފަދަ ރައްކާތެރި މައުދަނު ތަކަށް އިންވެސްޓްކުރަމުންނެވެ.
ރަނުގެ އަގު ވަނީ މަތިވަމުން ގޮސް ރެކޯޑް އަދަދަށް އަރައި، ރަން އައުންސެއްގެ އަގު 3،500 ޑޮލަރަށް ވުރެ މައްޗަށް ގޮސްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %