ކްރިޕްޓޯ މާކެޓް އަޑިގަނޑެއްގައި އޮތުމަށް ފަހު ހަމަޖެހިލަން ފަށައިފި
Read Time:3 Minute, 26 Second
މާކެޓް ސެންޓިމެންޓް ވަރުގަދަވެ، ކްރިޕްޓޯގެ އެންމެ ވަރުގަދަ ޑިޖިޓަލް ކަރަންސީތައް ކަމަށްވާ ބިޓްކޮއިން، އިތީރިއަމް އަދި ރިޕްލްސްގެ އަގު ރިކަވަރ ވާން ފަށައިފިއެވެ.
ބިޓްކޮއިން އިން މިވަގުތު ޓްރޭޑް ކުރަމުން އަންނަނީ 111،415 ޑޮލަރުގެ ކައިރީގައެވެ. އެންމެ ބޮޑު ކްރިޕްޓޯކަރަންސީ ކަމަށްވާ ބިޓްކޮއިން މިވަނީ ބާރު ސްޕީޑެއްގައި އަގު ވެއްޓުމަށް ފަހު އަލުން އަގު ސްޓޭބަލް ވާން ފަށާފައެވެ. ގަތުމުގެ ޕްރެޝަރު ކުރިއަށްދާނަމަ ދެން އޮތް ރެސިސްޓެންސް ޒޯނާއި ހަމައަށް އަގު ގޮސްދާނެ އެވެ. ދެން ރެސިސްޓެންސް އޮތީ ގާތްގަނޑަކަށް 116،000 ޑޮލަރުގެ ހިސާބުގައެވެ.
އިތީރިއަމް ވެސް ވަނީ އަލުން އަގު ސްޓޭބަލްވެ، 4،366 ޑޮލަރަށް އަގު އަރާފައެވެ. މިކަމުން ދޭހަވަނީ މާކެޓްގެ ވޮލަޓިލިޓީ ހުރި ނަމަވެސް އިންވެސްޓަރުން އަދިވެސް އިތީރިއަމް އަށް އިތުބާރު ކުރަމުންދާ ކަމެވެ. އަގު މައްޗަށް ގޮސް 4،488 ގެ ރެސިސްޓެންސް ފަޅާލައިފި ނަމަ އަލުން އަގު 4،956 ޑޮލަރަށް އަރާފާނެ އެވެ. ނަމަވެސް ސަޕޯޓަށް ނުހިފެއްޓިއްޖެ 4،024 އަށް ވެއްޓިވެސް ދާނެއެވެ.
މީގެ އިތުރުން ރިޕްލް މިހާރު ވިއްކަމުން އަންނަނީ 2.85 ޑޮލަރުގަ އެވެ. މިއީ 2.72 އަކަށް އަގު ވެއްޓުމަށް ފަހު ރިކަވަރީގައި މައްޗަށް އަރާފައިވާ އަގެވެ. ރިބައުންޑް ކުރިއަށްދާނަމަ ރިޕްލްގެ އަގު 2.99 ޑޮލަރަށް އަރާފާނެއެވެ. ނަމަވެސް ސަޕޯޓަށް ވުރެ ދަށަށް ދިޔުމުން ރިޕލް އެއް 2.51 ޑޮލަރަށް ވެއްޓޭނެ އެވެ.
ޖުމްލަކޮށް ބަލާއިރު ބިޓްކޮއިން، އިތީރިއަމް، އަދި ރިޕްލްގެ ރިކަވަރީއަކީ މުޅި މާކެޓުގައި ކްރިޕްޓޯގެ އަގުތައް ރަނގަޅުވާ ކަމުގެ އިޝާރާތެކެވެ. ބޮޑެތި ސަޕޯޓް ޒޯންތަކަށް ވުރެ މައްޗަށް އަގުތައް އެރުމުން އިންވެސްޓަރުންނަށް އިތުބާރު އަލުން ލިބެމުންދާ ކަމަށް ފެނެ އެވެ. ރިވަރސްވެ، އަލުން އަގު ވެއްޓޭނެ ކަމުގެ ނުރައްކާތައް އަދިވެސް އޮތްއިރު، މިހާރު އޮތް މޮމެންޓަމް ދެމެހެއްޓިއްޖެނަމަ ކްރިޕްޓޯ މާކެޓް ދާނީ މައްޗަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %